رائل چیلنجرز بنگلور کی لگاتار دوسری جتگ، گجرات جائنٹس کو 8 وکٹوں سے دی شکست
Women’s Premier League: ویمنز پریمیئر لیگ کے 16ویں میچ میں رائل چیلنجرز بنگلور (آر سی بی)نے گجرات جائنٹس کو 8 وکٹوں سے شکست دے دی۔ رائل چیلنجرز بنگلور کی یہ مسلسل دوسری جیت ہے۔ اس سے قبل ٹیم نے یوپی واریئرس کو شکست دی تھی۔ یہ گجرات جائنٹس کی پانچویں شکست ہے۔ گجرات جائنٹس نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 188 رنز بنائے۔ جواب میں رائل چیلنجرز بنگلور نے سوفی ڈیوائن کی شاندار اننگز کی بدولت 27 گیندیں باقی رہ کر میچ جیت لیا۔ رائل چیلنجرز بنگلور کی اوپنر سوفی ڈیوائن سنچری بنانے سے صرف ایک رن سے چوک گئیں۔
189 رنز کے ہدف کے تعاقب میں رائل چیلنجرز بنگلور نے دھوم مچادی۔ ٹیم نے 6 اوورز میں بغیر کوئی وکٹ کھوئے 77 رنز بنائے۔ مندھانا 31 گیندوں پر 37 رنز بنا کر آؤٹ ہوئیں جب کہ سوفی ڈیوائن 99 رنز بنا کر پویلین لوٹ گئیں۔ ایلس پیری 19 اور نائٹ 22 رنز بنا کر ناٹ آؤٹ رہیں۔
گجرات جائنٹس نے پہلے بیٹنگ کرتے ہوئے لورا وولفارٹ کی نصف سنچری کی بدولت رائل چیلنجرز بنگلور کے خلاف مقررہ 20 اوورز میں 4 وکٹوں کے نقصان پر 188 رنز بنائے۔ گجرات جائنٹس کے لیے لورا نے سب سے زیادہ رنز بنائے۔ لورا نے 42 گیندوں پر 68 رنز کی شاندار اننگز کھیلی۔ رائل چیلنجرز بنگلور (آر سی بی )کی جانب سے شریانکا پاٹل نے دو وکٹ لیے۔ گجرات جائنٹس نے آخری پانچ اووروں میں 67 رنز بنائے۔ پہلے بلے بازی کرنے کے لیے، گجرات جائنٹس کو صوفیہ اور لورا نے اچھی شروعات کی۔ صوفیہ 16 رنز بنانے کے بعد آؤٹ ہوئیں۔ لیکن لورا کو ایک سرے سے بلے بازی کرتے دیکھا گیا۔ میگھنا نے 32 گیندوں میں 31 رنز بنائے۔ گارڈنر نے 26 گیندوں میں 41 رنز بنائے۔ انہوں نے اننگز میں 6 چوکے اور ایک چھکا لگایا۔ ہرلین اور ہیملتا نے آخری اوور میں زبردست بلے بازی کی اور 22 رنز بنائے۔
ممبئی انڈینز ویمنز پریمیئر لیگ ٹیبل پر پانچ جیت اور ایک ہار سے 10 پوائنٹس کے ساتھ سرفہرست ہے۔ دوسرے نمبر پر دہلی کیپٹلس ہے جس نے 4 میچ جیتے ہیں اور 8 پوائنٹس حاصل کیے ہیں۔ یوپی تیسرے نمبر پر ہے۔ بنگلور کی ٹیم چوتھے نمبر پر پہنچ گئی ہے اور گجرات کی ٹیم آخری نمبر پر ہے۔
