جموں و کشمیر: اونتی پورہ میں انکاؤنٹر، سیکورٹی فورسز نے ایک دہشت گرد کو مار گرایا
جموں و کشمیرمیں عام لوگوں کو نشانہ بنانے والے دہشت گردوں پر سیکورٹی فورسز لگاتار شکنجہ کس رہے ہیں۔ سیکورٹی فورسز نے جموں وکشمیر کے پلوامہ میں انکاؤنٹر میں ایک دہشت گرد کو ہلاک کردیا۔ گزشتہ دنوں دہشت گردوں نے ایک کشمیری پنڈت کو گولی مار کر قتل کردیا تھا۔ جس کے بعد سیکورٹی فورسز نے منگل کی صبح اونتی پورہ علاقہ میں انکاؤنٹر کے دوران ایک دہشت گرد کو ہلاک کردیا۔
ٹوئٹر پر کمشیر زون پولیس نے کہا پلوامہ ضلع کے پدگم پورہ اونتی پورہ میں انکائونٹر ہوا۔ جموں و کشمیر پولیس نے دہشت گردوں کے خلاف آپریشن کے بارے میں اپ ڈیٹ دیتے ہوئے کہا، انکاؤنٹر میں ایک دہشت گرد مارا گیا ہے، اس دہشت گرد کی لاش ابھی تک برآمد نہیں ہوئی ہے۔ سیکورٹی فورسز اور دہشت گردوں کے درمیان فائرنگ کا تبادلہ چار بجے تک جاری رہا۔ صبح 4:30 بجے تک انکاؤنٹر جاری رہاتھا۔
J&K| One terrorist killed in Awantipora encounter. Body of the terrorist yet to be recovered. Encounter underway: Kashmir Zone Police
— ANI (@ANI) February 27, 2023
قابل ذکر بات یہ ہے کہ اتوار کو ایک اور ٹارگٹ کلنگ میں ایک کشمیری پنڈت سنجے شرما کو اس وقت دہشت گردوں نے گولی مار دی جب وہ پلوامہ ضلع کے مقامی بازار میں جا رہے تھے۔ انہیں اسپتال لے جایا گیاجہاں ڈاکٹروں نے چند گھنٹوں کے بعد انہیں مردہ قرار دے دیا۔۔
سنجے شرما کے قتل کے بعد پولیس نے بتایا تھا کہ ان کے گاؤں میں مسلح فورس تعینات کر دی گئی ہے اور علاقے کو گھیرے میں لے لیا گیا ہے۔
-بھارت ایکسپریس
