دہلی کے نریلا میں خوفناک آتش زدگی ،فائر بریگیڈ کی 8 گاڑیاں موقع پر پہنچی
دہلی کی راجدھانی نریلا سے آتش زدگی کی حبر سامنے آئی ہے۔ خوفناک آگ نے لوگوں میں خوف و دہشت پیدا کردی ہے۔ ذرائع کے مطابق دہلی کے نریلاعلاقہ میں آچانک سے خوفناک آگ لگ گئی ہے۔
دہلی کے نریلا علاقے میں خوفناک آگ لگ گئی۔ آگ کے شعلے دور سے اٹھتے دکھائی دے رہے ہیں۔ فائر بریگیڈ کی ٹیمیں آگ پر قابو پانے کی کوششیں کر رہی ہیں۔ خبر رساں ایجنسی اے این آئی کی طرف سے جاری کردہ تصاویر میں دیکھا جا سکتا ہے کہ آگ کے شعلے تیزی سے بلند ہو رہے ہیں۔ سیاہ دھواں چاروں طرف پھیلا ہوا ہے۔ کچھ فائر مین آگ پر قابو پانے کی کوشش کر رہے ہیں۔
Delhi | Massive fire breaks out in Narela, dousing operation underway; no casualty reported pic.twitter.com/K7TZ7TPgPj
— ANI (@ANI) April 12, 2023
قابل ذکر با ت یہ ہے کہ یہ گودام کچی آبادیوں کے قریب واقع ہے۔ ذرائع کے مطابق اس گودام میں کباڑ کا سامان جمع کیا جاتا تھا اور آج اس گودام میں آگ لگ گئی۔ یہ بھی خدشہ ظاہر کیا جا رہا ہے کہ اس آگ نے کچھ جھونپڑیوں کو اپنی لپیٹ میں لے لیا ہے۔ آگ کے شعلے دور سے دکھائی دے رہے تھے جس کی وجہ سے لوگوں کا ہجوم بھی وہاں جمع ہوگیا۔ اس آگ میں کچھ جھونپڑیوں کے جلنے کی بھی خبر ہے۔
کچھ میڈیا رپورٹس میں بتایا جا رہا ہے کہ یہ آگ بدھ کی صبح نریلا علاقے کے ایک گودام میں لگی۔ فائر بریگیڈ کے عملے کو آگ لگنے کی اطلاع صبح 10 بجے کے قریب ملی۔ 8 فائر ٹینڈر موقع پر بھیجے گئے ہیں۔ فائر فائٹرز آگ بجھانے کی بھرپورکوشش کررہے ہیں۔ قابل ذکر بات یہ ہے کہ ابھی تک اس آگ میں کسی کے جلنے کی کوئی اطلاع نہیں ہے۔ آگ لگنے کی وجہ کیا ہے اور یہ آگ کیسے لگی؟ یہ بات بھی ابھی تک معلوم نہیں ہو سکی ہے۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
