سیما اور سچن کے گاؤں میں فرقہ وارانہ کشیدگی پیدا ہوگئی ہے۔
پاکستان سے آئی سیما حیدراوراس کےعاشق سچن مینا کے یوپی کے گریٹرنوئیڈا واقع گاؤںرگھوپورہ میں کشیدگی کا ماحول ہے۔ یہاں دوگروپ کے لوگ آپس میں بھڑگئے۔ اطلاعات کے مطابق، اسی گاؤں میں ایک ٹی وی چینل کا پروگرام چل رہا تھا، لیکن اسی دوران دو گروپوں کے لوگ آپس میں بھڑگئے، جس سے گاؤں کا ماحول کشیدہ ہوگیا ہے۔ بڑی تعداد میں پولیس گاؤں میں پہنچ گئی ہے اور لوگوں کے گھروں میں دبش دے رہی ہے۔ یہاں پر پولیس نے ایمبولینس کو بھی بلالیا ہے۔ وہیں دوسری طرف، گاؤں میں جے شری رام کے نعرے لگائے جا رہے ہیں۔
सचिन के गांव में आयोजित एक टीवी चैनल के कार्यक्रम में भिड़े दो पक्षों के लोग. लोगों ने लगाए जय श्री राम के नारे. मौके पर भारी संख्या में पहुंची पुलिस.#SachinSeema #SeemaHaider #UPPolice #GreaterNoida #BharatExpress @Uppolice pic.twitter.com/4zK5uQRSaA
— Bharat Express (@BhaaratExpress) July 21, 2023
بھارت ایکسپریس کے نامہ نگارنے بتایا کہ دو گروپوں کے ٹکراؤ کے سبب ماحول کشیدہ ہوگیا ہے۔ کچھ لوگوں کے ایک گروپ نے ’جے شری رام‘ کے نعرے لگائے تو دوسرے گروپ کے لوگ آگ بگولہ ہوگئے۔ تصادم کی وجہ سے کشیدگی بڑھنے پر پولیس فورس پہنچ گئی ہے۔ پولیس کی کئی گاڑیاں رگھوپورہ گاؤں پہنچ گئی ہیں۔ پولیس لوگوں کو وہاں سے ہٹانے میں مصروف ہیں۔
سیما حیدر نے کہا- ”میں پاکستان نہیں جاؤں گی‘‘
سیما حیدرکے گھرآنے کے بعد کئی میڈیا سے بات چیت میں یہ دعویٰ کیا جار ہا ہے کہ سیما حیدر نے کہا کہ اگر ایسی خبریں آرہی ہیں”میں پاکستان واپس بھیجی گئی تو مرجاؤں گی۔ وہاں پر لوگ مجھے مار دیں گے۔ میں پاکستان واپس نہیں جاسکتی۔ پشوپتی ناتھ مندر میں ہی میری شادی ہوئی۔ بغیر ویزا کے آئی ہوں، لیکن محبت میں آئی ہوں۔ مجھے یوگی جی اور مودی جی پر بھروسہ ہے کہ وہ مجھے نہیں بھیجیں گے۔ چاچا میرے پیدا ہونے سے پہلے آرمی میں تھے۔ میرا بھائی مزدور ہے۔”
بھارت ایکسپریس۔
