![](https://urdu.bharatexpress.com/wp-content/uploads/2023/02/Dhanbad-fire.jpg)
دھنباد میں دردناک حادثے میں 14 لوگوں کی موت، پی ایم مودی نے آتشزدگی میں مرنے والوں کے تئیں کیا تعزیت کا اظہار
Dhanbad Fire:وزیراعظم نریندر مودی نے منگل کو جھارکھنڈ کے دھنبادکے آشیرواد ٹاوراپارٹمنٹ میں زبردست آگ (آتشزدگی)لگنے سے ہلاک ہونے والے لوگوں کے تئیں تعزیت کا اظہار کیا۔ انہوں(وزیراعظم نریندر مودی) نے حادثے میں زخمی ہونے والے لوگوں کی صحت یابی کی دعا کی۔ انہوں نے کہاکہ دھنباد آتشزدگی میں جانوں کے ضیاع پر بہت دکھ ہوا ہے۔ میری تعزیت ان لوگوں کے ساتھ ہے جنہوں نے اپنے پیاروں کو کو کھو دیا ہے۔
وزیر اعظم کے دفتر کی جانب سے ٹویٹ کرکے یہ اطلاع دی گئی ہے۔ انہوں نے مرنے والوں کے لواحقین کو 2 لاکھ روپے اور زخمیوں کو 50 ہزار روپے دینے کا اعلان کیا ہے۔ دھنباد کے اپارٹمنٹ میں آگ لگنے سے 14 لوگوں
کی موت ہو گئی ہے،وہیں 12 سے زائد افراد زخمی ہوئےہیں۔
Deeply anguished by the loss of lives due to a fire in Dhanbad. My thoughts are with those who lost their loved ones. May the injured recover soon: PM @narendramodi
— PMO India (@PMOIndia) January 31, 2023
حادثے میں 14 افراد جھلس کر ہلاک ہو گئے
پی ایم او کی طرف سے فراہم کردہ معلومات کے مطابق، وزیر اعظم کے قومی ریلیف فنڈ (پی ایم این آر ایف) سے حادثے میں ہلاک ہونے والوں کے لواحقین کو 200،000 روپے ایکس گریشیا دیئے جائیں گے، جب کہ زخمیوں کو 50،000 روپے دیے جائیں گے۔ واضح رہے کہ منگل کی شام دھنباد کے آشیرواد اپارٹمنٹ میں زبردست آگ لگ گئی۔ اس حادثے میں اب تک 14 افراد جھلس کر ہلاک ہو چکے ہیں۔ اس کے علاوہ دو درجن سے زائد افراد شدید زخمی ہوئے ہیں۔ تاہم خدشہ ظاہر کیا جا رہا ہے کہ ہلاکتوں کی تعداد بڑھ سکتی ہے۔
جھارکھنڈ کے وزیر اعلیٰ ہیمنت سورین نے دھنباد کے آشیرواد اپارٹمنٹ میں آگ لگنے سے 14 لوگوں کی موت پر تعزیت کا اظہار کیا ہے۔ سورین نے کہا کہ ضلع انتظامیہ جنگی پیمانےپرکام کر رہی ہے اور زخمیوں کا علاج کیا جا رہا ہے۔
धनबाद के आशीर्वाद टावर अपार्टमेंट में आग लगने से लोगों की मृत्यु अत्यंत मर्माहत करने वाली है। जिला प्रशासन द्वारा युद्ध स्तर पर कार्य किया जा रहा है तथा हादसे में घायल लोगों को उपचार उपलब्ध कराया जा रहा है। मैं खुद पूरे मामले को देख रहा हूँ।
— Hemant Soren (@HemantSorenJMM) January 31, 2023
سی ایم سورین نے ٹویٹ کیا،دھنباد کے آشیرواد ٹاور اپارٹمنٹ میں آگ لگنے سے لوگوں کی موت انتہائی دل دہلا دینے والی ہے۔ ضلع انتظامیہ جنگی پیمانے پر کام کر رہی ہے اور زخمیوں کو علاج فراہم کر رہی ہے۔ میں(ہیمنت سورین) خود پورے معاملے پرجانچ کر رہا ہوں۔ ان کا مزید کہنا تھا کہ زخمیوں کو فوری طبی امداد فراہم کرنے کی ہر ممکن کوشش کی جا رہی ہے۔
-بھارت ایکسپریس