نوئیڈا: ہندوستانی محکمہ موسمیات )آئی ایم ڈی) کی جانب سے شدید گرمی اور ہیٹ ویو کا اورنج الرٹ جاری کیے جانے کے بعد ہفتہ کی صبح موسم نے اچانک کروٹ لے لی۔ صبح سے ہی آسمان پر گھنے بادل چھائے رہے جبکہ تیز ہواؤں نے لوگوں کو آندھی جیسا احساس دلایا۔ کئی علاقوں میں ہلکی بوندا باندی بھی ہوئی، جس سے لوگوں کو کچھ دیر کے لیے شدید گرمی سے راحت ملی۔ حالانکہ، محکمہ موسمیات نے واضح کیا ہے کہ یہ راحت عارضی ہے اور آئندہ پانچ دنوں تک گرمی کی شدت برقرار رہے گی۔
پانچ دن تک ہیٹ ویو کا الرٹ
آئی ایم ڈی کی جانب سے جاری لوکل ویدر رپورٹ اور پیش گوئی کے مطابق 23 مئی سے 28 مئی تک مسلسل ہیٹ ویو کی صورتحال برقرار رہ سکتی ہے۔ محکمہ نے اس دوران زیادہ سے زیادہ درجہ حرارت 44 سے 45 ڈگری سیلسیس تک پہنچنے کا امکان ظاہر کیا ہے۔ رپورٹ کے مطابق 23 مئی کو زیادہ سے زیادہ درجہ حرارت 44 ڈگری جبکہ کم سے کم 28 ڈگری رہنے کی توقع ہے۔ محکمہ موسمیات نے دوپہر اور شام کے وقت تیز سطحی ہواؤں کے ساتھ شدید لو چلنے کی وارننگ دی ہے۔
ٹمپریچر 45 ڈگری تک پہنچنے کا امکان
24 مئی کو درجہ حرارت مزید بڑھ کر 45 ڈگری سیلسیس تک پہنچ سکتا ہے، جبکہ کم سے کم درجہ حرارت 27 ڈگری رہنے کی پیش گوئی کی گئی ہے۔ اس روز بھی دوپہر اور شام کے وقت تیز گرم ہوائیں چلنے کا امکان ہے۔ محکمہ کے مطابق 25 مئی کو زیادہ سے زیادہ درجہ حرارت 45 ڈگری اور کم سے کم 30 ڈگری رہ سکتا ہے۔ اسی طرح 26 اور 27 مئی کو بھی 45 ڈگری درجہ حرارت کے ساتھ ہیٹ ویو کی وارننگ جاری کی گئی ہے۔
نمی میں اضافے سے بڑھے گی اُمس
26 مئی کو کم سے کم درجہ حرارت 29 ڈگری جبکہ ہوا میں نمی کا تناسب 20 سے 30 فیصد کے درمیان رہنے کا امکان ہے۔ 27 مئی کو نمی بڑھ کر 25 سے 40 فیصد تک پہنچ سکتی ہے، جس کے باعث اُمس بھری گرمی لوگوں کی مشکلات میں مزید اضافہ کر سکتی ہے۔ 28 مئی کو بھی زیادہ سے زیادہ درجہ حرارت 45 ڈگری اور کم سے کم 30 ڈگری رہنے کا امکان ظاہر کیا گیا ہے۔
احتیاطی تدابیر اپنانے کی ہدایت
ماہرین کے مطابق ہفتہ کی صبح موسم میں آنے والی تبدیلی صرف وقتی ہے، جبکہ آنے والے دنوں میں تیز دھوپ، گرم ہوائیں اور مسلسل بڑھتا درجہ حرارت عوام کی پریشانی بڑھا سکتا ہے۔ محکمہ موسمیات نے لوگوں کو مشورہ دیا ہے کہ وہ دوپہر کے وقت غیر ضروری طور پر گھر سے باہر نکلنے سے گریز کریں، زیادہ پانی پئیں اور دھوپ سے بچاؤ کے لیے ضروری احتیاطی تدابیر اختیار کریں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
