یوپی کے وزیر اعلیٰ یوگی آدتیہ ناتھ (فائل فوٹو)
یوگی حکومت نے مظفر نگر معاملے کو لے کر ایک بڑی کارروائی کی ہے۔ مظفر نگر کے اسکول میں مسلم طالب علم کی پٹائی کا ویڈیو وائرل ہونے کے بعد ضلع انتظامیہ بھی چوکنا ہے۔ اس کے ساتھ ہی ضلعی انتظامیہ کی جانب سے اسکولوں کی منظوری منسوخ کرنے کا عمل شروع کردیا گیا ہے اور محکمہ تعلیم نے بھی نوٹس بھیج دیا ہے۔ محکمہ تعلیم نے اسکول کے معیار کے حوالے سے کئی نکات پر جواب طلب کر لیا ہے۔ اس کے ساتھ ہی تحقیقات مکمل ہونے تک اسکول بند کرنے کے احکامات بھی دیے گئے ہیں۔ بی ایس اے نے کہا کہ اسکول نہیں چلایا جاسکتا، بلاک ایجوکیشن آفیسر اسکول کے طلبہ کو دوسرے اسکول میں داخل کرائے گا۔
پولیس نے ٹیچر کے خلاف ایف آئی آر درج کر لی
بتادیں کہ مظفر نگر کے ایک اسکول میں مسلم بچے کی پٹائی کا ویڈیو وائرل ہونے کے بعد اس معاملے پر سیاست شروع ہوگئی ہے۔ اب پولیس نے اس معاملے پر ٹیچر کے خلاف ایف آئی آر درج کر لی ہے۔ اس معاملے کے حوالے سے پولیس کی طرف سے جاری کردہ ایک بیان میں بتایا گیا ہے کہ کھبا پور گاؤں میں واقع اسکول کے ٹیچر نے ہوم ورک نہ کرنے پر کلاس کے غیر مسلم طلبا سے ایک مسلم طالب علم پٹائی کروائی اور اس کے خلاف قابل اعتراض ریمارکس کیے۔
ٹیچر ترپتا تیاگی نے وضاحت دی
دوسری جانب جب اس معاملے کا ویڈیو سوشل میڈیا پر وائرل ہوگئی اور اس معاملے پر سیاست تیز ہوگئی تو ٹیچر ترپتا تیاگی نے اپنا بیان جاری کرتے ہوئے وضاحت کی۔ ٹیچر ترپتا تیاگی نے کہا کہ میرا مقصد کسی کے مذہبی اور سماجی جذبات کو ٹھیس پہنچانا نہیں تھا۔ انہوں نے کہا کہ اس ویڈیو کو چھیڑ چھاڑ کے بعد سوشل میڈیا پر شیئر کیا گیا ہے۔ ساتھ ہی انہوں نے کہا کہ وہ معذور ہیں اور بچوں کو کنٹرول کرنے کے لیے یہ قدم اٹھایا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
