حادثہ کا شکار ہوئی بس
مدھیہ پردیش کے ریوا ضلع میں مسافر بس چلتے ٹریلر کے پیچھے سے ٹکرا گئی۔ حادثے میں 15 مسافر جاں بحق اور 20 سے زائد زخمی ہوگئے۔ موقع پر راحت اور بچاؤ کا کام جاری ہے۔ وزیر اعلی شیوراج سنگھ چوہان نے حادثے پر افسوس کا اظہار کیا ہے۔ جمعہ اور ہفتہ کی درمیانی شب حیدرآباد سے گورکھپور جا رہی ایک مسافر بس قومی شاہراہ نمبر 30 پر چلتے ٹریلر کے پیچھے سے ٹکرا گئی۔ حادثہ اتنا شدید تھا کہ بس کا اگلا اور ٹریلر کا پچھلا حصہ بری طرح تباہ ہوگیا۔
ریوا کے ڈپٹی انسپکٹر جنرل آف پولیس متھلیش شکلا نے آئی اے این ایس کو بتایا ہے کہ اس حادثے میں 15 مسافروں کی موت ہو گئی ہے اور 20 سے زیادہ مسافر زخمی ہوئے ہیں۔
حادثہ اتنا خوفناک تھا کہ بس میں پھنسے لوگوں کی لاشوں کو بڑی مشکل سے نکالا گیا۔ اس کے لیے جے سی بی کی مدد لینی پڑی۔ مرنے والے مسافروں میں سے زیادہ تر اتر پردیش کے رہنے والے بتائے جاتے ہیں۔ زیادہ تر اموات ان مسافروں میں ہوئیں جو کیبن اور اگلی سیٹ پر بیٹھے تھے۔ بس میں 50 سے زائد مسافر سوار تھے۔
Madhya Pradesh | 14 dead, 40 injured in a collision between a bus and trolley near Suhagi Hills in Rewa. The bus was going from Hyderabad to Gorakhpur. All people on the bus are reportedly residents of Uttar Pradesh. pic.twitter.com/cwN2MUCB7O
— ANI MP/CG/Rajasthan (@ANI_MP_CG_RJ) October 22, 2022
حادثے پر غم کا اظہار کرتے ہوئے وزیر اعلیٰ چوہان نے ٹویٹ کیا اور کہا کہ ریوا میں حیدرآباد سے گورکھپور جانے والی مسافر بس کے حادثے کی افسوسناک خبر ملی۔ میں اس دلخراش واقعہ میں جاں بحق ہونے والوں کو خراج تحسین پیش کرتا ہوں۔ میں زخمیوں کی جلد صحت یابی کے لیےایشور سے دعاگو ہوں۔
انہوں نے کہا کہ ضلع کلکٹر، ایس پی سمیت اعلیٰ حکام کی موجودگی میں ہم نے رات بھر ریسکیو آپریشن کیا۔ شدید زخمی مسافر ریوا میڈیکل کالج میں زیر علاج ہیں۔ یوپی کے وزیر اعلی یوگی آدتیہ ناتھ کو بھی اس افسوسناک پیش رفت سے آگاہ کیا گیا ہے۔
मध्य प्रदेश के रीवा में हुए दर्दनाक सड़क हादसे में कई लोगों का असामयिक निधन अत्यंत दुःखद है। ईश्वर दिवंगत आत्माओं को शांति प्रदान करें। इस दुर्घटना में अपने प्रियजनों को खोने वाले परिवारों के प्रति मेरी गहन संवेदनाएं। घायलों के शीघ्र स्वास्थ्य लाभ की कामना करता हूँ।
— Om Birla (@ombirlakota) October 22, 2022
چوہان نے کہا کہ مدھیہ پردیش حکومت زخمیوں کے علاج کا خرچ برداشت کرے گی۔ معمولی زخمی ہونے والے مسافروں کو ابتدائی علاج کے بعد بس کے ذریعے پریاگ راج بھیجا گیا ہے۔ لاش کو پریاگ راج بھیجا جا رہا ہے۔ انہوں نے کہا کہ اس گھڑی میں ہم مرنے والوں کے اہل خانہ کے ساتھ کھڑے ہیں۔
