سماج وادی پارٹی کے ایم پی راجیو رائے آج 56 سال کے ہو گئے۔ ان کی سالگرہ کے موقع پر مرکزی وزیر داخلہ امت شاہ نے بھی انھیں فون کیا اور مبارکباد دی۔ بات چیت کے دوران امت شاہ نے مذاق میں ان کی عمر پوچھی تو راجیو رائے نے مسکراتے ہوئے کہا ’’میں باضابطہ طور پر 56 سال کا ہو گیا ہوں، لیکن حقیقت میں میں اب بھی خود کو 53 کا مانتا ہوں۔‘‘
راجیو رائے نے وزیر داخلہ کا شکریہ ادا کیا اور کہا کہ جب وہ دہلی آئیں گے تو ان سے ملاقات کریں گے۔ انھوں نے بتایا کہ ایس پی کے قومی صدر اکھلیش یادو نے بھی انھیں فون کیا اور سالگرہ کی مبارکباد دی۔ اس کے علاوہ پارٹی کے کئی سینئر لیڈروں نے بھی فون کرکے انھیں مبارکباد دی۔ عمر کے حوالے سے ان کا یہ بھی کہنا تھا کہ پہلے لوگ نوکری حاصل کرنے کے لیے عمر کم کرتے تھے۔ تب کوئی سند نہیں تھی۔ لیکن آج کل یوپی اور بہار میں کئی لیڈروں نے الیکشن لڑنے کے لیے اپنی عمریں بڑھا دی ہیں۔
गृह मंत्री अमित शाह ने समाजवादी पार्टी के सांसद राजीव राय को फोन कर जन्म दिन की बधाई दी. उन्होंने पूछा कितने साल के हो गए तो राजीव राय बोले-ऑफीशियली 56 साल का हो गया हूं वैसे 53 साल का हूँ.. कहा जाता है कि यूपी बिहार में कई नेताओं ने चुनाव लड़ने के लिए अपनी उम्र बढ़ाई है pic.twitter.com/UcIx4JgvaA
— पंकज झा (@pankajjha_) September 6, 2025
راجیو رائے کا کہنا ہے کہ سیاسی زندگی میں یہ کوئی غیر معمولی بات نہیں ہے۔ انھوں نے کہا کہ ’’ہر سال لیڈر فون کر کے مبارکباد دیتے ہیں۔ یہ ہماری سیاست کی روایت ہے۔ یہاں ذاتی دشمنی نام کی کوئی چیز نہیں ہے، بس کچھ لوگ اسے برقرار رکھتے ہیں۔ میں سب کا تہہ دل سے شکریہ ادا کرتا ہوں۔‘‘ میڈیا سے بات کرتے ہوئے ایم پی راجیو رائے نے کہا کہ وہ ہمیشہ یہ مانتے ہیں کہ جیت جتنی بڑی ہوگی ذمہ داری اتنی ہی زیادہ ہوگی۔ انھوں نے کہا کہ انتخابات کے دوران کیے گئے بیشتر وعدے پورے کر دیے گئے ہیں اور جو بھی ادھورا ہے وہ جلد پورا کریں گے۔ انھوں نے یہ بھی یقین ظاہر کیا کہ اگر 2027 میں ایس پی کی حکومت بنتی ہے تو کئی تاریخی فیصلے لیے جائیں گے۔
کون ہیں راجیو رائے ؟
راجیو رائے کا تعلق یوپی کے بلیا ضلع کے سورہی گاؤں سے ہے۔ انھوں نے 2024 کے لوک سبھا انتخابات میں گھوسی سیٹ سے کامیابی حاصل کی تھی۔ انھوں نے انتخاب میں سہیل دیو بھارتیہ سماج پارٹی (SBSP) کے سربراہ اوم پرکاش راج بھر کے بیٹے ڈاکٹر اروند راج بھر کو شکست دی۔ ایس پی کے اندر وہ اکھلیش یادو کے قریبی مانے جاتے ہیں اور پارٹی تنظیم میں ان کی گرفت مضبوط سمجھی جاتی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
