جھالاواڑ میں نشے میں دھت کار ڈرائیور کا قہر۔
جھالاواڑ: راجستھان کے جھالاواڑ ضلع کے مشرولی علاقے میں بدھ کے روز ایک دردناک سڑک حادثہ پیش آیا، جس میں ایک موٹرسائیکل سوار نوجوان کی موت ہو گئی۔ حادثے کے بعد غصے میں بھرے گاؤں والوں نے کار کو آگ کے حوالے کر دیا۔ پولیس نے بڑی مشقت کے بعد ہجوم کو قابو میں کیا اور معاملہ درج کر کے تفتیش شروع کر دی۔
نعیم حسین ولد مبارک حسین کی ہوئی موت
اطلاعات کے مطابق، سِلیہہ گڑھ کی کنٹھالی ندی کے قریب شراب کے نشے میں دھت کار ڈرائیور نے سامنے سے آ رہی موٹرسائیکل کو زور دار ٹکر مار دی۔ حادثے میں موٹرسائیکل سوار کی موقع پر ہی موت ہو گئی۔ مہلوک کی شناخت بولیا گاؤں کے رہنے والے نعیم حسین ولد مبارک حسین کے طور پر ہوئی ہے۔
ہجوم نے ملزم کی کار کو گھیر کر لگا دی آگ
نعیم حسین کی موت کی خبر ملتے ہی گاؤں میں شدید غم و غصہ پھیل گیا۔ دیکھتے ہی دیکھتے بڑی تعداد میں گاؤں والے موقع پر جمع ہو گئے اور ملزم کی کار کو گھیر کر آگ لگا دی۔ حادثے کے بعد لوگوں نے سِلیہہ گڑھ پُل پر جام لگا دیا، جس سے تقریباً 30 منٹ تک آمدورفت مکمل طور پر بند رہی۔
حالات پر قابو پانے کے لیے کرنی پڑی محنت
پولیس اور انتظامیہ کو حالات پر قابو پانے کے لیے کافی محنت کرنی پڑی۔ موقع پر پہنچی پولیس نے ہجوم کو سمجھا بجھا کر پرامن کیا اور لاش کو قبضے میں لے کر پوسٹ مارٹم کے لیے بھیج دیا۔
تیز رفتار کار پہلے بھی مچا چکی ہے تباہی
گاؤں والوں کے مطابق، تیز رفتار کار نے اس سے پہلے گاؤں کے چند افراد اور ان کی بھینسوں کو بھی ٹکر ماری تھی۔ اس حادثے میں سُگن بائی اور 55 سالہ رادھے شیام مالی شدید زخمی ہو گئے، جبکہ دو بھینسوں کی موقع پر ہی موت ہو گئی۔ زخمیوں کو علاج کے لیے فوراً ضلع اسپتال بھیجا گیا۔
انتظامیہ سے سخت کارروائی کرنی کی اپیل
گاؤں والوں کا کہنا ہے کہ شراب کے نشے میں بدمست ڈرائیوروں کا لاپرواہ ڈرائیونگ کرنا اب عام ہو گیا ہے اور انتظامیہ کو اس پر سخت کارروائی کرنی چاہیے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
