جے پور: راجستھان کے دوسہ ضلع میں منگل کے روز دہلی-ممبئی ایکسپریس وے پر تیز رفتار کار کے ایک ٹرک سے ٹکرا جانے کے نتیجے میں چار افراد ہلاک ہو گئے جبکہ ایک شخص زخمی ہو گیا۔ یہ حادثہ پَپردہ پولیس اسٹیشن حدود میں پلر نمبر 193 کے قریب صبح تقریباً 5:30 بجے پیش آیا۔ ٹکر اتنی شدید تھی کہ کار ٹرک کے نیچے پھنس گئی اور ایکسپریس وے پر تقریباً آٹھ کلو میٹر تک گھسٹتی چلی گئی۔
گاڑی میں سوار افراد بری طرح تباہ شدہ کار میں پھنس گئے تھے۔ لاشوں کو نکالنے کے لیے پولیس کو کافی مشقت کرنی پڑی۔ نانگل راجاوتان (دوسہ) کے ڈی ایس پی دیپک مینا کے مطابق، نوئیڈا کے پانچ یاتری مدھیہ پردیش کے اجین میں مہاکال مندر کے درشن کے بعد واپس گھر لوٹ رہے تھے۔
زخمی کو دوسہ کے ضلع اسپتال میں کرایا گیا داخل
مہلوکین کی شناخت راہل گپتا (35)، پارس اگروال (35)، پرنس گپتا (23) اور وکرم سنگھ (30) کے طور پر ہوئی ہے، جو سبھی اتر پردیش کے نوئیڈا کے رہنے والے تھے۔ پانچواں مسافر برج موہن گپتا، جو کار کی پچھلی سیٹ پر بیٹھا تھا، معمولی زخمی ہوا ہے اور اسے دوسہ کے ضلع اسپتال میں داخل کرایا گیا ہے۔
لالسوٹ سے دہلی کی جانب جا رہی تھی ہریانہ کی کار
ہریانہ رجسٹریشن نمبر والی یہ کار لالسوٹ سے دہلی کی جانب جا رہی تھی کہ راہواس پولیس اسٹیشن حدود میں الودا گاؤں کے قریب ٹرک سے ٹکرا گئی۔ تیز رفتاری کے باعث کار کا اگلا حصہ مکمل طور پر کچل گیا اور ٹرک کے نیچے پھنس گیا۔
کافی جدوجہد کے بعد کار کو ٹرک سے الگ کیا گیا
پپردہ پولیس اسٹیشن کے افسران کے مطابق، ٹرک ڈرائیور کو فوری طور پر ٹکر کا احساس نہیں ہوا، جس کی وجہ سے کار پولیس اسٹیشن کے علاقے تک گھسٹتی چلی گئی۔ پولیس اور ایکسپریس وے ریسکیو ٹیم موقع پر پہنچی اور کافی جدوجہد کے بعد کار کو ٹرک سے الگ کیا گیا۔
معاملے میں آگے کی کارروائی کر رہی ہے پولیس
حادثے کے بعد کچھ دیر کے لیے ایکسپریس وے پر ٹریفک متاثر رہا۔ تباہ شدہ گاڑیوں کو سڑک سے ہٹانے کے بعد آمد و رفت معمول پر آ گئی۔ پولیس کے مطابق، معاملے کی مزید تفتیش جاری ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
