مہاراشٹر کے نائب وزیر اعلیٰ اجیت پوار
مہاراشٹر کے نائب وزیر اعلیٰ اجیت پوار نے اتوار کو بارامتی کے لوگوں سے آئندہ ریاستی انتخابات میں ان کی حمایت کرنے کی اپیل کی، انہوں نے کہا کہ جس طرح آپ لوگوں نے 2024 کے لوک سبھا انتخابات میں ‘صاحب’ کو خوش کیا اسی طرح اب ہمیں بھی خوش کردیجئیے۔ این سی پی لیڈر نے یہ بھی دعویٰ کیا کہ انہوں نے بارامتی کے لوگوں کو پانی کی فراہمی کو یقینی بنانے کی ہر ممکن کوشش کی ہے۔
اس سال کے شروع میں ہوئے لوک سبھا انتخابات میں، این سی پی (ایس پی) لیڈر سپریہ سولے، بارامتی پارلیمانی حلقہ سے ایک ہائی پروفائل مقابلہ جیتیں۔ انہوں نے خاندانی حلقہ سے اجیت پوار کی اہلیہ سنیترا پوار کو شکست دی۔ گزشتہ سال جولائی میں، اجیت پوار اور این سی پی کے کئی لیڈران ریاست میں ایکناتھ شنڈے-بی جے پی حکومت میں شامل ہوئے، جس کے نتیجے میں شرد پوار کی تشکیل کردہ پارٹی میں پھوٹ پڑ گئی۔
اجیت پوار کا یوگیندر پوارسے مقابلہ
این سی پی کے سربراہ اجیت پوار پونے ضلع کی بارامتی اسمبلی سیٹ سے الیکشن لڑ رہے ہیں۔ وہ اپنے بھتیجے اور این سی پی (ایس پی) کے امیدوار یوگیندر پوار سے مقابلہ کر رہے ہیں۔ 28 اکتوبر کو جب یوگیندر پوار نے اس سیٹ سے اپنا پرچہ نامزدگی داخل کیا تو شرد پوار اور سولے ان کے ساتھ تھے۔
اسمبلی انتخابات میں مجھے ووٹ دیں: اجیت پوار
اتوار کو نائب وزیر اعلی نےبارامتی تحصیل کے کئی دیہی علاقوں کے دورے پر تھے، جہاں انہوں نے مقامی لوگوں سے ملاقات کی اور ان سے کئی مسائل پر تبادلہ خیال کیا۔ ساول گاؤں میں مقامی لوگوں سے خطاب کرتے ہوئے اجیت پوار نے کہا، ‘اگر سپریا لوک سبھا الیکشن ہار جاتیں تو صاحب (شرد پوار) کو اس عمر میں کیسا لگتا؟ یہ سوچ کر کہ آپ نے انہیں ووٹ دیا، لیکن اب اسمبلی انتخابات میں مجھے ووٹ دیں۔
وہ طریقے سے کام کریں گے، میں اپنے طریقے سے کام کروں گا: اجیت پوار
انہوں نے کہا، ‘آپ نے لوک سبھا انتخابات میں صاحب کو خوش کیا، اب اسمبلی انتخابات میں ووٹ دے کر مجھے خوش کریں۔ اجیت پوار نے کہا کہ وہ (شرد پوار) اپنے طریقے سے کام کریں گے، میں اپنے طریقے سے اپنے ضلع کی ترقی کے لیے کام کروں گا۔ دوسرے گاؤں کے دورے کے دوران، نائب وزیر اعلی نے کہا کہ انہوں نے بارامتی کے لوگوں کو پانی کی فراہمی کو یقینی بنانے کے قواعد کو نظر انداز کیا ہے۔
-بھارت ایکسپریس
