اتراکھنڈ کے چمولی ضلع کے منا گاؤں میں بارڈر روڈز آرگنائزیشن (بی آر او)کے کیمپ پر برفانی تودہ گرنے کے بعد برف کے نیچے پھنسے پچاس کارکنان کو بچا لیا گیا ،لیکن ان میں سے چار مزدوروں کی ہفتہ 1 مارچ 2025 کو موت ہوگی۔ وہیں گلیشیئر میں 4 مزدوربدستور پھنسے ہوئے ہیں ،جس کے باعث ریسکیو آپریشن تیسرے روز بھی جاری ہے۔مزدوروں کی تلاش کے لیے گراؤنڈ پینیٹریٹنگ ریڈار (جی پی آر) کی مدد حاصل کی گی ہے ۔
اتراکھنڈ اسٹیٹ ڈیزاسٹر مینجمنٹ اتھارٹی (یو ایس ڈی ایم اے) کے ذریعہ فراہم کردہ نئے سرے سے بچاؤ مہم کے مطابق پانچ مزدور لاپتہ تھے، لیکن ان میں سے ایک – ہماچل پردیش کے کانگڑا سے تعلق رکھنے والے سنیل کمار – اپنے طورپربحفاظت گھر پہنچ گئے ہیں جس کے بعد باقی چار مزدوروں کی تلاش جاری ہے۔ فوج کے مطابق مانا اور بدری ناتھ کے درمیان بی آر او کیمپ کے قریب جمعہ (28فروری 2025) کی صبح 5:30 سے 6 بجے کے درمیان برفانی تودہ گرا، جس میں آٹھ کنٹینرز اور ایک شیڈ کے اندر 55 کارکنان پھنس گئے۔ جمعہ کی رات تک 33 اور ہفتہ کو 17 لوگوں کو بچایا گیا۔
ریسکیو آپریشن دوبارہ شروع کر دیا گیا
جمعہ کو بارش اور برف باری کے باعث امدادی سرگرمیوں میں رکاوٹ پیدا ہوئی اور رات ڈھلتے ہی آپریشن روک دیا گیا۔ ڈسٹرکٹ ڈیزاسٹر منیجمنٹ آفیسر این کے جوشی نے بتایا کہ موسم صاف ہونے کے بعد مانا میں تعینات فوج اور انڈو تبت سرحدی پولیس (آئی ٹی بی پی) کے اہلکاروں نے صبح ریسکیو آپریشن دوبارہ شروع کیا۔
6 ہیلی کاپٹر ریسکیو آپریشن میں مصروف ہیں
فوج کے ترجمان لیفٹیننٹ کرنل منیش سریواستو نے بتایا کہ چھ ہیلی کاپٹر امدادی کارروائیوں میں مصروف ہیں۔ انہوں نے کہا کہ ان میں فوج کے تین ہیلی کاپٹر، دو فضائیہ کے ہیلی کاپٹر اور ایک سویلین ہیلی کاپٹر فوج کی طرف سے کرایہ پر لیا گیا ہے۔ بدری ناتھ سے 3 کلومیٹر کے فاصلے پر 3,200 میٹر کی بلندی پر واقع منا ہند تبت سرحد پر آخری گاؤں ہے۔ فوج کے ترجمان کا کہنا تھا کہ ’50 کارکنوں کو بچا لیا گیا ہے، جن میں سے بدقسمتی سے چار زخمیوں کی موت کی تصدیق ہو گئی ہے، جب کہ باقی کی تلاش جاری ہے‘، انھوں نے کہا کہ زخمیوں کو ترجیحی بنیادوں پر نکالا جا رہا ہے۔
کن کن مزدروں کی ہوئی موت؟
یو ایس ڈی ایم اے نے بھی برف سے بچائے گئے چار مزدوروں کی موت کی تصدیق کی ہے، جن میں سے ایک مزدور جیوتیرمٹھ میں جب کہ تین مزدوروں کی موت بدریناتھ منا میں ہوئی۔ USDMA نے بتایا کہ مرنے والوں کی شناخت ہماچل پردیش کے موہندر پال اور جتیندر سنگھ، اتر پردیش کے منجیت یادو اور اتراکھنڈ کے آلوک یادو کے طور پر کی گئی ہے۔ اس میں کہا گیا ہے کہ چار کارکن ابھی تک لاپتہ ہیں ،جن میں ہماچل پردیش سے ہرمیش چند، اتر پردیش سے اشوک اور اتراکھنڈ سے انیل کمار اور اروند سنگھ شامل ہیں۔
برفباری کی وجہ سے سڑک بلاک ہوگئی
فوجی حکام نے بتایا کہ بچاؤ آپریشن بنیادی طور پر فوج اور فضائیہ کے ہیلی کاپٹروں کے ذریعے کیا جا رہا ہے کیونکہ برف نے کئی مقامات پر پہنچنے والے راستے بند کر دیے ہیں، جس سے گاڑیوں کی نقل و حرکت تقریباً ناممکن ہو گئی ہے۔ انہوں نے کہا کہ بچائے گئے کارکنوں کو جیوتیرمتھ کے فوجی اسپتال پہنچانا اور چار لاپتہ کارکنوں کی تلاش ترجیح ہے۔
کنٹینر کا پتہ لگانے کے لیے دہلی سے جی پی آر مانگا گیا تھا۔
سین گپتا کے مطابق بی آر او کیمپ میں آٹھ کنٹینرز تھے، جن میں سے پانچ کا سراغ لگا لیا گیا ہے ،جب کہ تین لاپتہ ہیں۔ اگر موسم سازگار رہا تو لاپتہ کارکنوں کو تلاش کرنے کے لیے خصوصی راڈار، UAVs، کواڈ کاپٹرز اور برفانی تودے سے بچاؤ کے کتوں کو تعینات کیا جائے گا، انہوں نے مزید کہا، “سب کچھ موسم پر منحصر ہے۔ وزیر اعلیٰ پشکر سنگھ دھامی نے متاثرہ علاقے کا فضائی سروے کیا اور حکام کو ریسکیو آپریشن تیز کرنے کی ہدایت کی۔
بھارت ایکسپرییں
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
