دہلی میں ہوا کے معیار میں بہتری کے درمیان کچرے کے ڈھیروں کو جلانے کے واقعات پر تنازعہ بڑھ گیا ہے۔ دہلی کے وزیر ماحولیات منجندر سنگھ سرسا نے عام آدمی پارٹی حکومت والی میونسپل کارپوریشن (ایم سی ڈی) پر سنگین الزامات عائد کرتے ہوئے کہا کہ یہ آلودگی بڑھانے کی سوچی سمجھی سازش ہے۔
دہلی میں جان بوجھ کر آلودگی بڑھائی جا رہی ہے
وزیر سرسا نے کہا، “دہلی کے ایئر کوالٹی انڈیکس (AQI) میں پچھلے کچھ دنوں سے بہتری آئی تھی، لیکن اب کئی جگہوں پر کوڑے کے ڈھیروں کو آگ لگائی جا رہی ہے۔ مجھے اس طرح کے واقعات کے بارے میں مسلسل معلومات مل رہی ہیں۔” کل رات کے واقعہ کا ویڈیو شیئر کرتے ہوئے انہوں نے کہا کہ عام آدمی پارٹی کے زیر کنٹرول ایم سی ڈی کے تحت اس طرح کی لاپرواہی برداشت نہیں کی جائے گی۔
’یہ سازش ہے، میئر کے خلاف کارروائی ہونی چاہیے‘
وزیر ماحولیات منجندر سنگھ سرسا نے کہا کہ دہلی کی بی جے پی حکومت آلودگی کو کم کرنے کے لیے مسلسل کام کر رہی ہے۔ لیکن عام آدمی پارٹی جان بوجھ کر آگ لگا کر دہلی کی فضا کو آلودہ کرنے کی کوشش کررہی ہے۔ انہوں نے اسے ایم سی ڈی کی “آپ حکومت کی دانستہ چال” قرار دیا اور کہا کہ اس عوام مخالف رویے کے خلاف فوری کارروائی کی جانی چاہیے۔ سرسا نے ایم سی ڈی میئر اورذمہ دارافسران کے خلاف مقدمہ درج کرنے کا مطالبہ کیا۔ انہوں نے کہا کہ صحت عامہ اور ماحولیات سے چھیڑ چھاڑ کرنے والوں کو بخشا نہیں جائے گا۔
دہلی میں آلودگی کا بحران
دہلی کو ہر سال سردیوں میں آلودگی کے شدید بحران کا سامنا کرنا پڑتا ہے۔ پرالی جلانے، کوڑے کے ڈھیروں میں آگ لگنے اور گاڑیوں سے نکلنے والے دھوئیں کی وجہ سے AQI خطرناک سطح پر پہنچ جاتا ہے۔ قابل ذکر بات یہ ہےکہ حالیہ ہفتوں میں AQI میں بہتری دیکھی گئی۔ حکومت نے سموگ ٹاورز، الیکٹرک بسوں اور تعمیرات پر سختی جیسے کئی اقدامات کیے ہیں۔ لیکن اب کچرا جلانے کے واقعات سے آلودگی بڑھنے کا خطرہ پھر پیدا ہوگیا ہے۔
عام آدمی پارٹی اور بی جے پی کے درمیان آلودگی کو لے کر ماضی میں بھی الزامات اور جوابی الزامات ہوتے رہے ہیں۔ پچھلے سال بھی بی جے پی نے پچھلی عام آدمی پارٹی حکومت پر آلودگی پر قابو پانے میں ناکام ہونے کا الزام لگایا تھا۔ لیکن اب وزیر سرسا کے اس تازہ بیان کے بعد اس معاملے پر سیاست پھر سے گرم ہو گئی ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
