وزیر اعظم نریندر مودی نے آج اتوار کے روز قوم کے تمام شہریوں کو آشاڑھی ایکادشی کی دلی مبارکباد پیش کی ہے۔ پورے ملک میں آج اتوار کو آشاڑھی ایکادشی یعنی دیو شیینی ایکادشی کے موقع پر لوگ بھگوان وشنو کی عقیدت اور پوجا میں مصروف ہیں۔ اس خاص موقع پر وزیر اعظم نریندر مودی، مہاراشٹرا کے وزیر اعلیٰ دیویندر فڑنویس اور نائب وزیر اعلیٰ ایکناتھ شندے نے سب کے لیے خوشی، امن اور خوشحالی کی پراتھنا کی۔
وزیر اعظم مودی نے سوشل میڈیا پلیٹ فارم ‘ایکس’ پر لکھا:”قوم کے تمام شہریوں کو آشاڑھی ایکادشی کی بے شمار نیک تمنائیں۔ یہ مقدس موقع ہر ایک کے لیے کامیابی و برکت کا سبب بنے، یہی میری پراتھناہے۔”
देशवासियों को आषाढ़ी एकादशी की असीम शुभकामनाएं। यह पावन अवसर हर किसी के लिए फलदायी सिद्ध हो, यही कामना है।
— Narendra Modi (@narendramodi) July 6, 2025
ایک اور پوسٹ میں وزیر اعظم نے لکھا:”آشاڑھی ایکادشی کے اس مقدس تہوار پر دلی مبارکباد! بھگوان وٹھل جی کا آشیرواد ہمیشہ ہم سب پر بنا رہے، یہی ان کے چرنوں میں میری پراتھنااور خواہش ہے۔ بھگوان وٹھل ہمیں ایک خوشحال اور ترقی یافتہ سماج کی جانب لے جائیں، اور ہم بھی غریبوں اور محروم طبقے کی خدمت کرتے رہیں۔”
آشاڑھی ایکادشی کو مہاراشٹرا میں “پنڈھرپور یاترا” کے طور پر بھی منایا جاتا ہے۔ اس موقع پر مہاراشٹرا کے وزیر اعلیٰ دیویندر فڑنویس نے بھگوان وٹھل کے چرنوں میں عوام اور کسانوں کی خوشی، امن، ترقی اور خوشحالی کے لیے پراتھنا کی۔ انہوں نے اپنے خاندان کے ساتھ بھگوان وٹھل کی پوجا اور ارچنا کی۔
انہوں نے ‘ایکس’ پر اپنی پوسٹ میں لکھا:”آشاڑھی ایکادشی کے موقع پر آج پنڈھرپور میں دیوی وٹھل-رکمینی کے چرنوں میں اپنی اہلیہ امرتا اور بیٹی دیویجا کے ساتھ مہاپوجا کا شرف حاصل ہوا۔ اس موقع پر دیوی وٹھل-رکمینی کے درشن سے دل خوش ہو گیا۔ انہوں نے دیوی وٹھو ماولی اور دیوی رکھمایی کے چرنوں میں سر جھکا کر کسانوں، محنت کشوں اور ریاست کے تمام شہریوں کی خوشی، ترقی اور مہاراشٹرا کی ترقی کے لیے پراتھناکی۔”
مہاراشٹرا کے نائب وزیر اعلیٰ ایکناتھ شندے اتوار کی صبح ممبئی کے وڈالا میں واقع شری وٹھل مندر پہنچے۔ یہاں انہوں نے آشاڑھی ایکادشی کے موقع پر شری وٹھل مندر میں پوجا اور عبادت کی اور ریاست کے عوام کو اس مقدس دن کی نیک تمنائیں پیش کیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
