پی ایم نریندر مودی آج ریڈیو پروگرام من کی بات کے 126 ویں ایپی سوڈ کے ذریعے عوام سے مخاطب ہوں گے۔ اس بار وہ آنے والے تہواروں کے سلسلے میں لوگوں سے سودیشی مصنوعات خریدنے کی اپیل کر سکتے ہیں۔من کی بات کے ذریعے پی ایم مودی عام لوگوں کی چھوٹی بڑی کہانیوں کو ملک کے سامنے لاتے رہتے ہیں۔ اس بار وہ دسہرہ اور دیوالی کے حوالے سے عوام سے بات کر سکتے ہیں۔
Do tune in at 11 AM this morning. #MannKiBaat pic.twitter.com/l8AdAHa5eZ
— Narendra Modi (@narendramodi) September 28, 2025
نیا جی ایس ٹی ٹیکس سلیب لاگو
22 ستمبر 2025 سے ملک بھر میں جی ایس ٹی کا نیا ٹیکس سلیب نافذ ہو چکا ہے۔ اب صرف دو ہی سلیب رکھے گئے ہیں: 5فیصد اور 18فیصد۔ اس کے نتیجے میں ملک بھر کی کئی کمپنیوں نے اپنی مصنوعات کی قیمتوں میں کمی کی ہے۔
21 ستمبر کو پی ایم مودی نے قوم سے خطاب بھی کیا تھا۔ نئے سلیب کے نفاذ کے بعد یہ پہلا موقع ہوگا، جب پی ایم مودی من کی بات کریں گے۔
پچھلے ایپی سوڈز میں کن موضوعات پر بات ہوئی؟
گزشتہ ایپی سوڈ میں پی ایم مودی نے قدرتی آفات، کھیل، جدّت، تعلیم اور “ووکل فار لوکل” (مقامی مصنوعات کی حمایت) جیسے موضوعات پر بات کی تھی۔ انہوں نے بتایا تھا کہ یو پی ایس سی کی فائنل لسٹ میں جگہ نہ بنانے والے امیدواروں کی معلومات “پرتبھا سیتو” ایپ پر دستیاب ہوں گی، تاکہ ملک کی بڑی کمپنیوں کے ساتھ وہ معلومات شیئر کی جا سکیں اور نوجوانوں کو روزگار کے بہتر مواقع مل سکیں۔
من کی بات 22 زبانوں میں نشر ہوتا ہے
من کی بات کو 22 بھارتی زبانوں اور 29 بولیوں کے علاوہ 11 غیر ملکی زبانوں میں بھی نشر کیا جاتا ہے، جن میں فرانسیسی، چینی، انڈونیشیائی، تبتی، برمی، بلوچی، عربی، پشتو، فارسی، دری اور سواحیلی شامل ہیں۔
یہ پروگرام آل انڈیا ریڈیو کے 500 سے زیادہ نشریاتی مراکز سے نشر کیا جاتا ہے۔ پہلے ایپی سوڈ کی مدت 14 منٹ تھی، جسے جون 2015 میں بڑھا کر 30 منٹ کر دیا گیا۔
گزشتہ ایپی سوڈز کا خلاصہ:
125 واں ایپی سوڈ: پی ایم مودی نے مانسون سے ہونے والی تباہی پر بات کی اور “پرتبھا سیتو ایپ” کے بارے میں بتایا۔ انہوں نے کہا کہ قدرتی آفات ہمارے ملک کا امتحان لے رہی ہیں۔
124 واں ایپی سوڈ: پی ایم مودی نے خلا اور شوبھانشو شکلا کے بارے میں بات کی۔ ان کے خلا سے واپس لوٹنے پر پورے ملک میں خوشی کی لہر دوڑ گئی، اور بچوں میں سائنس و خلا سے متعلق نئی دلچسپی پیدا ہوئی۔
123 واں ایپی سوڈ: یوگا دیوس اور ایمرجنسی کے بارے میں گفتگو کی۔ پی ایم مودی نے کہا کہ کروڑوں لوگوں نے یوگا دیوس میں حصہ لیا، اور ایمرجنسی کے دوران عوام کی تکالیف کا ذکر کیا۔
122 واں ایپی سوڈ: “آپریشن سندور” کو بھارت کے بدلتے چہرے کی علامت قرار دیا۔ یہ صرف ایک فوجی مشن نہیں بلکہ ہمارے عزم، حوصلے اور حب الوطنی کا مظہر ہے۔
121 واں ایپی سوڈ: پہلگام حملے کے متاثرین کو انصاف دلانے کی یقین دہانی کرائی۔ پی ایم مودی نے کہا کہ پورا ملک اس حملے سے غصے میں ہے، اور متاثرہ خاندانوں کو انصاف ضرور ملے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
