اتراکھنڈ حکومت نے ایک بیان جاری کرتے ہوئے کہا ہے کہ بچاؤ اور راحت کے کام جاری ہیں، جن کی قیادت بھارتی فوج، آئی ٹی بی پی، این ڈی آر ایف اور ایس ڈی آر ایف کر رہی ہیں۔ اتراکھنڈ حکومت کے حکام کے مطابق اب تک 130 سے زائد افراد کو بچایا جا چکا ہے۔ ریاستی آفات مینجمنٹ مرکز ضلعی مجسٹریٹ اور ایس ایس پی کے ساتھ مسلسل رابطے میں ہے۔
108 ایمبولینس سروس ہائی الرٹ پر
دھَرالی اور آس پاس کے متاثرہ علاقوں میں 108 ایمبولینس سروسز کو ہائی الرٹ پر رکھا گیا ہے۔ ان خدمات کے ذریعے زخمیوں کو فوری ابتدائی طبی امداد فراہم کرنا، انہیں قریبی اسپتالوں تک پہنچانا اور حساس طبقات کو بروقت طبی سہولیات فراہم کرنا بنیادی مقصد ہے۔ آس پاس کے اضلاع سے بھی ایمبولینس سروسز کو ہم آہنگ کرکے آفت زدہ علاقوں میں بھیجا گیا ہے۔
اتراکھنڈ کے کئی اضلاع میں بارش کا الرٹ جاری کیا گیا ہے۔ محکمہ موسمیات نے ریاست کے پانچ اضلاع کے لیے بارش کا الرٹ جاری کیا ہے۔ اس سے پہلے منگل کے روز اُترکاشی میں بادل پھٹنے کے واقعے سے بڑے پیمانے پر جانی و مالی نقصان ہوا ہے۔ اتراکھنڈ کے وزیرِ اعلیٰ پشکر سنگھ دھامی نے اُترکاشی کے دھرالی علاقے میں بادل پھٹنے اور سیلاب سے متاثرہ علاقوں کا فضائی جائزہ لیا۔ اس کے بعد صحافیوں سے بات کرتے ہوئے وزیر اعلیٰ نے کہا کہ تمام ایجنسیاں راحت اور بچاؤ کے کاموں میں مصروف ہیں۔
— ANI (@ANI) August 6, 2025
وزیرِ اعلیٰ پشکر سنگھ دھامی نے کہا:”ابھی جو آفت یہاں آئی ہے، اس میں ہماری تمام ایجنسیاں کام کر رہی ہیں، اور فوج کے اہلکار بھی سرگرم ہیں۔ بچاؤ مہم میں ITBP، SDRF، NDRF اور مقامی لوگ شامل ہیں۔ کل 130 لوگوں کو بچایا گیا۔ تلاش اور بچاؤ مہم جاری ہے۔ سڑکیں اور کچھ پلوں کے نقصان کے باعث جائے وقوعہ تک پہنچنا مشکل ہو گیا ہے۔ دہرادون میں واقع آفت کنٹرول مرکز 24 گھنٹے ہر ممکن مدد فراہم کر رہا ہے۔ ہم سب کو محفوظ نکالنے کے لیے کوشاں ہیں۔ میں وزیرِ اعظم نریندر مودی کا شکریہ ادا کرنا چاہتا ہوں کہ وہ ہر ممکن مدد فراہم کر رہے ہیں۔ وزیرِ اعظم مودی نے آج بھی بچاؤ مہم کی تفصیلات حاصل کیں۔”
उत्तरकाशी में आपदा प्रभावित क्षेत्र का हवाई निरीक्षण किया।#Uttarkashi pic.twitter.com/IFnrxRkegD
— Pushkar Singh Dhami (@pushkardhami) August 6, 2025
وزیرِ اعظم مودی نے وزیرِ اعلیٰ دھامی سے بات کی
اس سے پہلے اتراکھنڈ کے وزیرِ اعلیٰ کے دفتر نے ایک بیان میں کہا کہ وزیرِ اعظم نریندر مودی نے آج وزیرِ اعلیٰ پشکر سنگھ دھامی سے فون پر بات کی اور دھرالی علاقے میں حالیہ آفت، راحت اور بچاؤ کی کارروائیوں کی تازہ ترین صورتحال کے بارے میں معلومات حاصل کیں۔ وزیرِ اعلیٰ دھامی نے وزیرِ اعظم کو بتایا کہ ریاستی حکومت پوری مستعدی سے راحت اور بچاؤ کے کاموں میں لگی ہوئی ہے۔ مسلسل ہو رہی شدید بارش کی وجہ سے بعض علاقوں میں مشکلات آ رہی ہیں، لیکن تمام متعلقہ ایجنسیاں ہم آہنگی کے ساتھ کام کر رہی ہیں تاکہ متاثرہ افراد کو فوری مدد فراہم کی جا سکے۔ وزیرِ اعظم مودی نے مرکزی حکومت کی طرف سے ہر ممکن مدد کا یقین دلایا۔
اتراکھنڈ کے 9 اضلاع میں چھٹی
اتراکھنڈ میں محکمہ موسمیات نے پانچ اضلاع کے لیے شدید بارش کا الرٹ جاری کیا ہے، جن میں دہرادون، نینی تال، چمپاوت، اُدھم سنگھ نگر، اور باگیشور شامل ہیں۔ اس کے پیشِ نظر نو اضلاع میں چھٹی کا اعلان کیا گیا ہے۔ پَوری، اَلمورا، اور باگیشور اضلاع میں حفاظتی نقطۂ نظر سے آج اسکول بند کیے گئے ہیں۔ جماعت اوّل سے بارہویں تک کے تمام تعلیمی ادارے اور آنگن واڑی مراکز میں چھٹی رہے گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
