ملک بھر میں آج یعنی جمعرات کے روز دسہرہ (وجے دشمی) کا تہوار دھوم دھام سے منایا جا رہا ہے۔ یہ دن برائی پر اچھائی کی فتح کی علامت ہے۔ اس خاص موقع پر صدر جمہوریہ دروپدی مرمو، نائب صدر سی پی رادھا کرشنن اور پی ایم نریندر مودی نے ملک کے عوام کو دل کی گہرائیوں سے مبارکباد دی ہے۔ تمام رہنماؤں نے سوشل میڈیا پلیٹ فارم ایکس پر اپنی نیک تمنائیں پیش کیں۔ تو آئیے جانتے ہیں کہ سب نے کیا کہا۔
صدر جمہوریہ نے کیا کہا؟
विजयादशमी के पावन अवसर पर, मैं सभी देशवासियों को हार्दिक बधाई और शुभकामनाएं देती हूँ। pic.twitter.com/dVoh2BQwt6
— President of India (@rashtrapatibhvn) October 2, 2025
صدر دروپدی مرمو نے ایکس پر اپنے پیغام میں کہا: وجے دشمی کے مقدس موقع پر، میں تمام ہم وطنوں کو دلی مبارکباد اور نیک تمنائیں پیش کرتی ہوں۔ وجے دشمی، جو کہ بدی پر نیکی کی جیت کی علامت ہے، ہمیں سچائی اور انصاف کے راستے پر چلنے کی تحریک دیتا ہے۔ ملک کے مختلف حصوں میں راون دہن اور درگا پوجا کی شکل میں منایا جانے والا یہ تہوار بھارت کی اخلاقی قدروں کی نمائندگی کرتا ہے۔
انہوں نے مزید کہا: یہ تہوار ہمیں گھمنڈاور تکبر جیسی منفی عادات کو ترک کرنے اور جدوجہد و بہادری جیسی مثبت صفات کو اپنانے کا پیغام دیتا ہے۔ میری دعا ہے کہ یہ تہوار ہمیں ایسے معاشرے اور ملک کی تعمیر کی ترغیب دے، جہاں سب لوگ انصاف، مساوات اور ہم آہنگی کے ساتھ زندگی میں آگے بڑھتے رہیں۔
نائب صدر نے دی مبارکباد
Warm greetings on the auspicious occasion of Vijaya Dashami.
This festival celebrates the triumph of good over evil, and reminds us of the enduring values of truth, righteousness, and courage. It inspires each one of us to work with integrity, uphold justice, and contribute… pic.twitter.com/qjHZaOxPpw
— CP Radhakrishnan (@CPR_VP) October 2, 2025
نائب صدر کے دفتر نے بھی وجے دشمی کے موقع پر اہل وطن کو مبارکباد دی۔ اُن کا کہنا تھا: وجے دشمی کے مبارک موقع پر دلی نیک تمنائیں۔ یہ تہوار بدی پر نیکی کی فتح کا جشن ہے اور ہمیں سچ، دھرم اور حوصلے کی مستقل قدروں کی یاد دلاتا ہے۔ یہ ہم سب کو ایمانداری سے کام کرنے، انصاف قائم رکھنے اور معاشرے میں مثبت کردار ادا کرنے کی ترغیب دیتا ہے۔ میری دعا ہے کہ وجے دشمی سب کے لیے خوشی، سکون اور خوشحالی لے کر آئے اور ملک کی خدمت کے ہمارے عزم کو مزید مضبوط کرے۔
پی ایم نریندر مودی نے بھی وجے دشمی کی دلی مبارکباد پیش کی
विजयादशमी बुराई और असत्य पर अच्छाई और सत्य की विजय का प्रतीक है। मेरी कामना है कि इस पावन अवसर पर हर किसी को साहस, बुद्धि और भक्ति के मार्ग पर निरंतर अग्रसर रहने की प्रेरणा मिले।
देशभर के मेरे परिवारजनों को विजयादशमी की बहुत-बहुत शुभकामनाएं।
— Narendra Modi (@narendramodi) October 2, 2025
پی ایم نریندر مودی نے بھی وجے دشمی کی دلی مبارکباد پیش کی۔ انہوں نے کہا: وجے دشمی بدی پر نیکی اور سچائی کی جیت کی علامت ہے۔ میری خواہش ہے کہ اس مقدس موقع پر سبھی کو حوصلے، فہم و فراست اور عقیدت کے راستے پر مسلسل آگے بڑھنے کی ترغیب ملے۔ ملک بھر میں اپنے تمام اہل وطن کو وجے دشمی کی دل سے بہت بہت مبارکباد۔
بھارت ایکسپریس ارددو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
