وزیر اعظم نریندر مودی نے اتوار کے روز مرکزی ریزرو پولیس فورس (CRPF) کے 87ویں یومِ تاسیس پر دلی مبارکباد دی اور ملک کی سیکیورٹی میں فورس کی اہم شراکت کی تعریف کی۔
وزیر اعظم نے سی آر پی ایف کو یومِ تاسیس کی مبارکباد دی
Raising Day wishes to all CRPF personnel. This force has played a vital role in our security apparatus, especially in challenging aspects relating to internal security. CRPF personnel have made a mark for their duty, courage and steadfast commitment in the most testing of…
— Narendra Modi (@narendramodi) July 27, 2025
ملک کی سیکورٹی میں سی آر پی ایف کے لازوال کردار کو تسلیم کرتے ہوئے وزیر اعظم مودی نے سوشل میڈیا پلیٹ فارم “ایکس” پر لکھا:”سی آر پی ایف کے تمام اہلکاروں کو یومِ تاسیس کی مبارکباد۔ سی آر پی ایف نے ہماری سیکیورٹی کے نظام میں اہم کردار ادا کیا ہے، خاص طور پر داخلی سلامتی سے متعلق چیلنجنگ پہلوؤں میں۔”
وزیر اعظم نے سی آر پی ایف کے جوانوں کی وفاداری اور بہادری کی تعریف کرتے ہوئے کہا:”سی آر پی ایف کے جوان اپنی فرض شناسی، حوصلے اور پختہ عزم کے لیے جانے جاتے ہیں، جو سب سے مشکل حالات میں بھی نظر آتا ہے۔ انسانی چیلنجز سے نمٹنے میں بھی ان کی خدمات قابلِ ستائش ہیں۔”
سی آر پی ایف کا قیام 27 جولائی 1939 کو “کراؤن ریپریزنٹیٹو پولیس“ کے طور پر ہوا تھا۔ بعد ازاں 28 دسمبر 1949 کو “سینٹرل ریزرو پولیس فورس ایکٹ“ کے نفاذ کے بعد اس کا باضابطہ نام مرکزی ریزرو پولیس فورس (CRPF) رکھا گیا۔ اس تبدیلی نے فورس کو ایک نئی شناخت دی اور اسے حکومت ہند کے تحت ایک مرکزی مسلح فورس کے طور پر قائم کیا گیا۔
مرکزی وزیر داخلہ امت شاہ نے بھی اس موقع پر سی آر پی ایف کے اہلکاروں کو مبارکباد دی۔
Heartfelt greetings to all CRPF personnel on their Raising Day. Your selfless sacrifice have been the backbone of our nation’s security and your unwavering courage to end Naxalism is truly commendable. Time and again, you’ve stood fearlessly on the frontlines, standing tall… pic.twitter.com/agU5klgN5A
— Amit Shah (@AmitShah) July 27, 2025
ایکس پر اپنے پیغام میں انہوں نے لکھا:”سی آر پی ایف کے تمام جوانوں کو ان کے یومِ تاسیس پر دلی مبارکباد۔ آپ کی بے لوث قربانی ہمارے ملک کی سیکیورٹی کی ریڑھ کی ہڈی رہی ہے اور نکسلی تشدد کے خاتمے کے لیے آپ کا اٹل حوصلہ واقعی قابلِ تعریف ہے۔
آپ بارہا اگلی صفوں میں ڈٹے رہے ہیں، ہر مصیبت کا بے خوفی سے مقابلہ کرتے ہوئے، ثابت قدمی کا مظاہرہ کیا ہے۔
سی آر پی ایف کے شہداء کو سلام۔ آپ کی شجاعت کی وراثت قوم کے لیے مسلسل تحریک کا ذریعہ ہے۔”
اس موقع پر سی آر پی ایف نے اپنے پیغام میں اپنے اہلکاروں اور ان کے اہلِ خانہ کو خراجِ عقیدت پیش کیا۔
CRPF نے “ایکس” پر ایک پوسٹ میں کہا:”27 جولائی کو ہم 86 باوقار سالوں کا جشن مناتے ہیں – بے مثال جرات، اعلیٰ ترین قربانی اور مضبوط وابستگی کے سال، جو قوم کی سیکیورٹی اور خدمت کی وراثت میں گہرائی سے رچے بسے ہیں۔”
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
