یوپی میں بڑے انتظامی ردوبدل، 6 آئی پی ایس افسران کے تبادلے
9 جنوری کو ایک بڑے انتظامی ردوبدل میں اتر پردیش حکومت نے 6 آئی پی ایس افسران کے تبادلے کے احکامات جاری کیے ہیں۔ آگرہ کے پولس کمشنر ڈاکٹر پریتندر سنگھ کو ہٹا دیا گیا ہے۔ جے رویندر گوڑ آگرہ کے نئے پولیس کمشنربنائے گئے ہیں۔ ڈاکٹر پریتندر سنگھ کو ڈی جی پی ہیڈ کوارٹر سے منسلک کر دیا گیا ہے۔
پنجاب کے رہنے والے ڈاکٹر پریتندر سنگھ 2004 بیچ کے آئی پی ایس افسر ہیں۔ وہ اس سے پہلے آگرہ میں اے ایس پی رہ چکے ہیں۔ اس کے علاوہ چندر پرکاش آئی جی انٹیلی جنس لکھنؤ بنے ہیں ۔ پریم کمار گوتم کو آئی جی رینج پریاگ راج، سریش کلکرنی کو ڈی آئی جی رینج گورکھپور اور شیوہری مینا کو ایڈیشنل پولیس کمشنر نوئیڈا مقرر کیا گیا ہے۔ اس سے پہلے گزشتہ 4 جنوری کو بھی اتر پردیش میں بڑا ردوبدل ہوا تھا۔ جس میں 11 ضلع پولیس سربراہوں سمیت 18 آئی پی ایس افسران کا تبادلہ کیا گیا۔
4 دن پہلے بھی بڑا ردوبدل ہوا تھا
یوپی میں 4 جنوری کو کیے گئے تبادلوں میں آئی پی ایس سنجیو سمن کو علی گڑھ کا ایس ایس پی بنایا گیا تھا۔ جی آر پی لکھنؤ کے پولیس سپرنٹنڈنٹ (ایس پی) دیو رنجن ورما کو بلیا کا نیا ایس پی بنایا گیا۔جب کہ بلیا کے ایس پی ایس آنند کو ترقی دی گئی، اب وہ نئے ڈی آئی جی ایس ٹی ایف ہیں۔ ایس پی ابھیشیک سنگھ کو مظفر نگر کا ایس پی، ایس ایس پی علی گڑھ کالاندھی نیتھانی کو جھانسی رینج کا نیا ڈی آئی جی بنایا گیا ہے۔
ان افسران کا تبادلہ کر دیا گیا
ان کے علاوہ ایس پی ورندا شکلا کو بہرائچ ڈی جی پی ہیڈکوارٹر ایس پی ،لاء اینڈ آرڈر ، ارون کمار سنگھ کو چترکوٹ، بہرائچ کے ایس پی پرشانت کمار کو لکھنؤ، ڈی سی پی سنٹرل زون لکھنؤ، اپرنا رجت کوشک کو کاس گنج، ایس پی سوربھ دکشت کو کاس گنج بھیج میں بھیجا گیا تھا۔ایس پی ابھیشیک اگروال کو رائے بریلی، ایس پی آلوک پریادرشی کو بدایون، ایس پی کو ترقی دے کر وارانستی رینج کا ڈی آئی جی، ایس پی پراچی کا سدھارتھ نگر تبادلہ کردیا گیا ہے
بھارت ایکسپریس
