وزیر اعظم نریندر مودی امریکہ کا دو روزہ دورہ مکمل کر کے واپس بھارت پہنچ گئے ہیں۔ پی ایم مودی اور صدر ٹرمپ کے درمیان ہونے والے معاہدوں اور دونوں لیڈروں کے درمیان جو گرمجوشی دیکھی گئی ،اس کی امریکی میڈیا میں کافی چرچا ہو رہا ہے اور امریکہ کے معروف میڈیا ہاؤس سی این این نے پی ایم مودی کی خوب تعریف کی ہے اور انہیں ایک بہترین مذاکرات کار قرار دیا ہے۔ سی این این نے لکھا ہے کہ دیگر عالمی رہنماؤں کو بھی پی ایم مودی سے سیکھنا چاہیے کہ ٹرمپ سے بات کیسے کی جائے۔
امریکی میڈیا نے پی ایم مودی کی تعریف میں کیا کہا؟
سی این این کے سینئر صحافی ول رپلے نے کہا کہ مجھے لگتا ہے کہ ٹرمپ نے پہلے جاپانی وزیر اعظم اشیبا سے اچھی ملاقات کی۔ اب ٹرمپ کی پی ایم مودی سے ملاقات بھی بہت مثبت رہی۔ یہ دنیا بھر کے رہنماؤں کے لیے ایک ماسٹر کلاس ہے کہ صدر ٹرمپ کے ساتھ بات چیت کیسے کی جائے۔ قابل ذکر ہے کہ پی ایم مودی اور صدر ٹرمپ کے درمیان ملاقات ایسے وقت میں ہوئی ہے جب صدر ٹرمپ نے چند گھنٹے قبل ہی باہمی ٹیرف لگانے کا اعلان کیا تھا۔ سی این این کے صحافی رپلے نے کہا کہ ‘بھارتی وزیر اعظم صورتحال کو سمجھتے ہیں اور اگر وہ ناکام ہو جاتے تو صورتحال مزید خراب ہو سکتی تھی۔ نامساعد حالات کے باوجود دونوں ممالک کے رہنماؤں کے درمیان اچھی بات چیت ہوئی اور تجارت، توانائی، فوجی وغیرہ جیسے معاملات پر اہم معاہدے طے پائے۔
رپلے نے کہا کہ ملاقات کے بعد ہم نے دیکھا کہ دونوں رہنماؤں کے درمیان ملاقات کے خوشگوار نتائج برآمد ہوئے۔ دونوں ممالک تجارتی معاہدے پر بات چیت کریں گے۔ امریکہ بھارت کے جوہری شعبے میں سرمایہ کاری کرے گا اور دونوں ممالک F-35 جیٹ پر بھی بات کریں گے۔ اس سے دونوں ممالک کو فائدہ ہوا۔ رپلے نے کہا کہ جس طرح سے پی ایم مودی نے میک امریکہ گریٹ اگین کے نعرے کو میک انڈیا گریٹ اگین کے ساتھ جوڑا اور خوشحالی کے لیے میگا پارٹنرشپ کا نعرہ دیا، یہ اتنی زبردست برانڈنگ اور پیغام تھا جو صدر ٹرمپ کو پسند آیا۔
صدر ٹرمپ نے بھی پی ایم مودی کی تعریف کی
آپ کو بتاتے چلیں کہ ملاقات کے بعد صدر ٹرمپ نے بھی پی ایم مودی کی بات چیت کرنے کی صلاحیت کی تعریف کی۔ جب ٹرمپ سے پوچھا گیا کہ بہتر اور سخت مذاکرات کار کون ہے، آپ یا پی ایم مودی؟ تو اس کے جواب میں ٹرمپ نے کہا کہ ‘وہ (پی ایم مودی) زیادہ سخت اور بہتر مذاکرات کار ہیں۔ ہمارے درمیان کوئی مقابلہ نہیں ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
