پی ایم اوکے دفتر کی جانب سے بدھ کے روز مرکزی وزیر اشونی ویشنو کے ایک مضمون پر روشنی ڈالی گئی، جس میں کہا گیا ہے کہ آئندہ دہائی میں جیسے جیسے بھارت کی سیمی کنڈکٹر (Semiconductor) یونٹس بڑے پیمانے پر پختہ ہوتی جائیں گی، ویسے ویسے ملک مکمل سیمی کنڈکٹر ویلیو چین کے لیے ایک مسابقتی مرکز کے طور پر ابھرنے کے لیے تیار ہوتا جائے گا۔
سیمی کنڈکٹر سفر پر لکھا گیا مضمون
پی ایم او کی جانب سے کہا گیا:”مرکزی وزیر اشونی ویشنو نے بھارت کے تبدیلی کے سفر پر ایک مضمون لکھا ہے، جس میں بتایا گیا ہے کہ ‘سیمیکون انڈیا سمٹ 2025’ اسی سفر کی تسلسل کی علامت ہے۔”
مرکزی وزیر ویشنو کے مضمون میں سیمی کنڈکٹر کو اسٹیل، بجلی، ٹیلی کمیونیکیشن، کیمیکل اور ٹرانسپورٹ جیسے بنیادی شعبوں کا حصہ قرار دیا گیا ہے۔ وہ تقریباً ہر اس چیز کے اندر چھپے ہوئے “انجن” کی حیثیت رکھتے ہیں جسے ہم روزمرہ زندگی میں استعمال کرتے ہیں۔
مرکزی الیکٹرانکس اور آئی ٹی کے وزیر نے کہا ہے کہ مستقبل میں سیمی کنڈکٹرز کا استعمال اور بھی بڑھے گا۔ بھارت میں الیکٹرانکس کی مانگ اور پیداوار غیرمعمولی رفتار سے بڑھ رہی ہے۔ آج بھارت میں 65 کروڑ سے زیادہ اسمارٹ فون یوزر ہیں، اور ہمارا الیکٹرانکس مینوفیکچرنگ سالانہ 12 لاکھ کروڑ روپے تک پہنچ چکا ہے۔
چِپ پر مبنی الیکٹرک وہیکل (EV) تیار کیا جا رہا ہے
ملک میں اے آئی پر مبنی سسٹمز، ڈیٹا سینٹرز، اور سیمی کنڈکٹر چپس کی ضرورت والے الیکٹرک وہیکلز بھی تیار کیے جا رہے ہیں۔ طلب اور اختراع (innovation) میں یہ اضافہ بھارت کے لیے عالمی سیمی کنڈکٹر ویلیو چین میں اپنی جگہ پکی کرنا ضروری بنا دیتا ہے۔
مضمون میں کہا گیا ہے:”برسوں سے، بھارت کو سیمی کنڈکٹر کے میدان میں ‘چھوٹا ہوا’ سمجھا جاتا رہا ہے۔ اب یہ بات سچ نہیں رہی۔ انڈیا سیمی کنڈکٹر مشن کے تحت 10 سیمی کنڈکٹر پلانٹس کو منظوری دی گئی ہے۔ ان پلانٹس کی تعمیر تیزی سے جاری ہے۔ آج، ہم پورے یقین سے کہہ سکتے ہیں کہ پہلی ‘میڈ اِن انڈیا’ چِپ اسی سال مارکیٹ میں آ جائے گی۔ سانند میں ایک یونٹ میں پائلٹ پروڈکشن لائن پہلے ہی شروع ہو چکی ہے، اور ایک سال کے اندر ہمیں امید ہے کہ مزید چار یونٹس پیداوار میں لگ جائیں گی۔ ایپلائیڈ میٹریلز، لیم ریسرچ، مرُک اور لنڈے جیسے عالمی ادارے ان فیکٹریوں اور سپلائی چین کی حمایت میں سرمایہ کاری کر رہے ہیں۔ یہ ماحولیاتی نظام کا نقطہ نظر بھارت میں صنعت کے طویل مدتی ترقی پر وزیراعظم نریندر مودی کی توجہ کو ظاہر کرتا ہے۔”
پی ایم مودی نے کیا کہا؟
پی ایم او نے مزید کہا:”ہمارے پی ایم مودی کا واضح وژن، عمل درآمد پر توجہ، فیصلے لینے کا اختیار پیشہ ور افراد کو دینا، عالمی تعاون، اور ریاستی حکومتوں کی مضبوط حمایت جیسے کئی عوامل کے امتزاج سے یہ بڑی کامیابی کم وقت میں حاصل کی جا سکی ہے۔ بھارت کی اصل طاقت یعنی اس کے عوام کی صلاحیتوں کو بروئے کار لانے کے لیے پالیسیز اور سرمایہ کاری بہت اہم ہیں۔ فی الحال، بھارت میں عالمی ڈیزائن ورک فورس کا 20 فیصد سے زیادہ حصہ موجود ہے۔”
سیمی کنڈکٹر ماہرین کی کمی ہو سکتی ہے
ایک صنعتی اندازے کے مطابق، اگلی دہائی کے آغاز تک دنیا میں 10 لاکھ سے زائد سیمی کنڈکٹر پیشہ ور افراد کی کمی ہو سکتی ہے۔ بھارت اس خلا کو پورا کرنے کی تیاری کر رہا ہے۔
350 ادارے اور اسٹارٹ اپس کے 60,000 سے زائد صارفین بھارت سرکار کی طرف سے مفت فراہم کردہ عالمی معیار کے الیکٹرانک ڈیزائن آٹومیشن (EDA) ٹولز استعمال کر رہے ہیں۔
اسٹارٹ اپس، حکومت کی مضبوط حمایت سے بھارت کے چپ ڈیزائن کے ایکو سسٹم کو طاقتور بنا رہے ہیں۔
ماینڈگروو ٹیکنالوجیز، آئی آئی ٹی مدراس کے ذریعہ ملک میں تیار کردہ شکتی پروسیسر پر مبنی آئی او ٹی چپس تیار کر رہی ہے۔
ایک اور اسٹارٹ اپ، نیترسیمی نے حال ہی میں 107 کروڑ روپے کی ریکارڈ فنڈنگ حاصل کی ہے۔ یہ بھارت کے سیمی کنڈکٹر ڈیزائن شعبے میں سب سے بڑی وینچر کیپیٹل سرمایہ کاری میں سے ایک ہے، جو اس شعبے میں سرمایہ کاروں کے بڑھتے اعتماد کو ظاہر کرتا ہے۔
بھارت یکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
