وقف بورڈ زمین قبضہ کرنے والا مافیا ہے - گری راج سنگھ، بٹیں تو کٹیں گے پر اپوزیشن کے سوال پر ناراض
3 نومبر کی رات وارانسی پہنچنے والے مرکزی وزیر گری راج سنگھ نے اپوزیشن پر تیکھا طنزکیا ہے ۔ وقف بورڈ پر اپوزیشن کو نشانہ بناتے ہوئے گری راج سنگھ نے کہا کہ جب بنگلہ دیش کا واقعہ ہوا تھا تو کانگریس کے کچھ لیڈروں نے کہا تھا کہ ہندوستان میں بھی ایسا واقعہ ہو سکتا ہے۔ دراصل راہل گاندھی وقف بورڈ کو لے کر ملک میں خانہ جنگی پیدا کرنا چاہتے ہیں۔ لیکن کانگریس پارٹی کا یہ خواب کبھی پورا نہیں ہوگا۔ ملک کے عوام اور نوجوان بیدار ہو چکے ہیں۔ اس کے علاوہ انہوں نے سماج وادی پارٹی لیڈر اکھلیش یادو پر بھی طنز کیا۔
وقف بورڈ زمین قبضہ کرنے والا مافیا ہے – گری راج سنگھ
#WATCH | Varanasi, UP: Union Minister Giriraj Singh says, “When Hindus in Bangladesh faced religious atrocities, Congress leaders said that scenes like Bangladesh will be recreated in India. Rahul Gandhi wants to create civil war in the country in the name of Waqf Board, for… pic.twitter.com/BTVkrRf0dv
— ANI (@ANI) November 3, 2024
وارانسی پہنچنے والے مرکزی وزیر گری راج سنگھ نے وقف بورڈ کو لے کر کانگریس پارٹی پر طنز کسا۔ گری راج سنگھ نے کہا کہ – کانگریس پارٹی اور راہل گاندھی وقف بورڈ کے نام پر ہندوستان میں خانہ جنگی پیدا کرنا چاہتے ہیں ۔نئے نئے ٹول کٹ بنارہے ہیں۔ لیکن راہل گاندھی کا خواب کبھی پورا نہیں ہوگا۔ ہندوستان کے نوجوان بیدار ہو چکے ہیں۔ وقف بورڈ زمین قبضہ کرنے والا مافیا ہے۔ یہ لوگ تو پارلیمنٹ کو بھی کہتے ہیں کہ یہ وقف بورڈ کی زمین ہے اور حیرت نہیں ہوگی جب یہ لوگ پورے دیش کو وقف بورڈ کی زمین بتائیں گے۔
جھارکھنڈ، مہاراشٹر اور یوپی میں جواب دیں گے لوگ جواب
مرکزی وزیر نے کہا کہ میانمار اور فلسطین میں اگر کوئی واقعہ ہوتا ہے تو ان لوگوں کے پیٹ میں درد ہوتا ہیں۔ ’بٹیں گے تو کٹیں گے‘ پر ان لوگوں کے پیٹ میں اور درد ہوتاہے۔ لیکن اتر پردیش کے ضمنی انتخابات اور مہاراشٹرا ،جھارکھنڈ کے اسمبلی انتخابات میں عوام اچھی طرح جواب دے گی۔ سماج وادی پارٹی کے لیڈروں کی طرف سے جاری کردہ پوسٹروںوالے معاملے پر نشانہ بناتے ہوئے انہوں نے کہا کہ – اکھلیش یادو نے زندگی بھر ہر طرح کے پوسٹر جاری کیے ہیں۔ اکھلیش یادو کا تعلق اسی ڈی این اے سے ہے، جس کے باپ نے رام بھکتوں پر گولیاں چلائی تھیں۔ اس کے علاوہ پپو یادو پر کچھ بھی کہنے سے گریز کرتے نظر آئے۔ گری راج سنگھ نے کہا کہ لارنس بشنوئی پر انہوں نے کیا کہا کیوں کہا ہو جانیں ۔
بھارت ایکسپریس
