BJP
مظفر نگر، 19 نومبر (بھارت ایکسپریس): اتر پردیش کے مظفر نگر ضلع میں 6 اسمبلی سیٹیں ہیں۔ ان میں اتحادی امیدواروں نے گزشتہ انتخابات میں 4 اسمبلی سیٹیں جیتی تھیں، 2 سیٹیں بی جے پی کے کھاتے میں آئی تھی۔ اب ضمنی انتخاب میں کھتولی اسمبلی سیٹ پر بی جے پی کا براہ راست مقابلہ راشٹریہ لوک دل پارٹی سے ہے۔قابل غور ہے کہ مظفر نگر ضلع کے کھتولی کے ایم ایل اے وکرم سینی کو ایم پی/ایم ایل اے کورٹ نے دو سال قید کی سزا سنائی تھی۔
2013 کے مظفر نگر فسادات میں ان کی شمولیت کے لیے عدالت نے 11 اکتوبر کو سزا سنائی تھی۔ اس کی وجہ سے ان کی اسمبلی رکنیت ختم ہو گئی تھی اور سیکرٹریٹ نے کھتولی اسمبلی سیٹ کو 11 اکتوبر کو خالی قرار دیا تھا۔ کھتولی اسمبلی سیٹ کے لیے 5 دسمبر کو ضمنی انتخاب ہونا ہے۔ اس سیٹ پر بی جے پی کے سابق ایم ایل اے وکرم سینی کی بیوی راج کماری سینی کا سیدھا مقابلہ راشٹریہ لوک دل پارٹی کے مدن بھیا سے ہے۔ کانگریس اور بی ایس پی نے اس سیٹ پر اپنے امیدوار کھڑے نہیں کیے ہیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
