دہلی کی وزیر اعلیٰ ریکھا گپتا اپنے دور اقتدار کے 100 دن مکمل کرنے کے بعد آج سے اپنے خاندان کے ساتھ دو روزہ دورے پر اتراکھنڈ پہنچ گئی ہیں۔ یہاں آنے کے بعدانہوں نے سب سے پہلے گنگا میں اسنان کیا اور اپنے شوہر اور بیٹے کے ساتھ ہردوار کے ہر کی پوڑی میں واقع برہما کنڈ میں پوجا ارچنا کی۔ اس کے بعد وہ کنکھل میں وتسلیہ گنگا آشرے کے افتتاحی پروگرام میں شرکت کریں گی اور اس کے بعد سنتوں سے ملاقات کریں گی۔ اس پروگرام میں اتراکھنڈ کے وزیر اعلی پشکر سنگھ دھامی بھی شرکت کریں گے۔
#WATCH हरिद्वार, उत्तराखंड: दिल्ली की मुख्यमंत्री रेखा गुप्ता ने कहा, “मां गंगा का आशीर्वाद लेकर हम मां यमुना को स्वच्छ और सुंदर बनाने के लिए काम करेंगे, हम दिल्ली के विकास को और गति देने के लिए काम करेंगे…” https://t.co/KZCwOEA2Kb pic.twitter.com/f8CXb9JsIe
— ANI_HindiNews (@AHindinews) June 1, 2025
گنگا میں اسنان کرنے کے بعد سی ایم ریکھا گپتا نے ہر کی پوڑی میں میڈیا سے بات کرتے ہوئے کہا، “ماں گنگا کے آشیرواد سے ہم ماں گنگاکو صاف اور خوبصورت بنانے کے لیے کام کریں گے، ہم دہلی کی ترقی کو تیز کرنے کے لیے کام کریں گے۔ ماں کے آشیرواد سے میں بہت مطمئن محسوس کر رہی ہوں کہ دہلی کی وزیر اعلیٰ کے طور پر میں دہلی کی ترقی کے لیے بہتر کام کرسکوں اور پوری دنیا میں دہلی کا جھنڈا لہرا سکیں۔”
ریکھا گپتا کل کیدارناتھ جا سکتی ہیں
بھاشا کے مطابق ریکھا گپتا، جو اپنے خاندان کے ساتھ اتراکھنڈ آئی ہیں، اتوار کو ہریدوار میں رہیں گی ،جہاں وہ ہر کی پوڑی میں گنگا میں اسنان کریں گی۔ وہ ہریدوار میں ایک دھرم شالا کا افتتاح کریں گی اور شام کو رشی کیش میں گنگا آرتی میں بھی شرکت کریں گی۔ ذرائع نے بتایا کہ امکان ہے کہ وہ پیر کو کیدارناتھ جائیں گی۔
دہلی میں ریکھا گپتا کی قیادت والی بھارتیہ جنتا پارٹی (بی جے پی) حکومت نے جمعہ کو اقتدار میں 100 دن مکمل کر لیے۔ بی جے پی نے اس سال فروری میں ہونے والے دہلی اسمبلی انتخابات میں کامیابی حاصل کی اور 27 سال بعد دہلی میں اقتدار میں واپس آئی۔ ریکھا گپتا نے 20 فروری کو رام لیلا میدان میں منعقدہ ایک تقریب میں اپنے کابینہ کے وزراء کے ساتھ دہلی کی وزیر اعلیٰ کے طور پر حلف لیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
