بھگوان ہنومان جی کی تصویر کے سامنے خواتین باڈی بلڈروں نے دیا پوز، تصویر پر بھڑکی کانگریس
مدھیہ پردیش کے رتلام شہر میں منعقد ہونے والے 13 ویں جونیئر باڈی بلڈنگ مقابلے کو لےکر تنازع شروع ہوگیا ہے۔ بھگوان ہنومان جی کی تصویر نیشنل باڈی بلڈنگ چیمئین شپ کے اسٹیج پر رکھی گئی تھی۔ بھگوان ہنومان جی کی تصویر کے سامنے خاتون باڈی بلڈر ٹو پیس ریمپ واک اور ڈانس کررہی تھیں ۔ اس معاملے کو لے کر کانگریس لیڈروں نے اسے گھٹیا بتاتے ہوئے کہا کہ ہندوستانی ثقافت کا مذاق اڑایا گیا ہے۔ اس واقعہ پر ہندو تنظیموں نے بھی اعتراض کیا ہے۔ اس تقریب کا اہتمام رتلام کے میئر پرہلاد پٹیل کی زیر صدارت کمیٹی نے کیا تھا۔ سوشل میڈیا پر اس واقعے پرعوام نے بھی شدید ردعمل کا اظہار کیا ہے۔
قابل ذکر بات یہ ہے کہ اس باڈی بلڈنگ چیمئین شپ کے پوسٹر میں بی جے پی ایم ایل اے چیتنیا کشیپ کا نام لکھا ہوا ہے۔ بھگوان ہنومان جی کی تصویر کے سامنے خاتون باڈی بلڈرز نے ٹو پیش میں پوز دیا۔
हिंदू धर्म और बाल ब्रह्मचारी भगवान बजरंग बली का ऐसा अपमान इतिहास में कभी नहीं हुआ जैसा बीजेपी कर रही है। हनुमान जी की प्रतिमा के सामने नग्नता।
ये तो उन राक्षसों की तरह हो गए हैं जो भगवान से वर पाकर भगवान का ही द्रोह करते हैं।
भाजपा हिंदू धर्म की दुश्मन है। pic.twitter.com/Gaj68RBvF6
— Piyush Babele||पीयूष बबेले (@BabelePiyush) March 6, 2023
اس واقعے کی ایک ویڈیو سوشل میڈیا پر منظر عام پر آئی جس میں خاتون باڈی بلڈر کو ‘پوز’ دیتے ہوئے دکھایا گیا، جس کے بعد سابق میئر اور کانگریس لیڈر پارس سکلیچا نے پٹیل اور کشیپ پر ‘بے حیائی’ دکھانے کا الزام لگایا۔ ضلع یوتھ کانگریس کمیٹی کے صدر میانک جاٹ نے کہا کہ بھگوان ہنومان جی اس میں شامل افراد کو سزا دیں گے۔
ریاستی بی جے پی کے ترجمان ہتیش باجپائی نے پلٹ وار کرتے ہوئے دعویٰ کیا کہ کانگریس خواتین کو کھیلوں میں بہترین کارکردگی کرتے نہیں دیکھنا چاہتی، جب کہ کچھ پروگرام کے منتظمین نے کانگریس لیڈروں کے خلاف کارروائی کی مانگ کرتے ہوئے پولیس کو ایک میمورنڈم پیش۔
اپنے ویڈیو بیان میں واجپائی نے الزام لگایا کہ ‘کانگریسی خواتین کو کشتی، جمناسٹک یا تیراکی میں حصہ لیتے ہوئے نہیں دیکھ سکتے کیوں کہ یہ دیکھ کر ان کے اندر کا شیطان جاگ جاتا ہے ۔ وہ کھیل کے میدان میں خواتین کو گندی نظروں سے دیکھتے ہیں ۔کیا انہیں شرم نہیں آتی؟
-بھارت ایکسپریس
