بہوجن سماج پارٹی (بی ایس پی) نے لوک سبھا انتخابات 2024 کے لیے اپنے امیدواروں کی تیسری لسٹ جاری کر دی ہے۔ بی ایس پی نے اس لسٹ میں 12 امیدواروں کو ٹکٹ دیا ہے۔ جس میں بی ایس پی نے لکھنؤ سے سرور ملک اور متھرا سیٹ سے سریش سنگھ کو اپنا امیدوار قرار دیا ہے۔
بی ایس پی نے غازی آباد سے نند کشور پنڈیر، علی گڑھ سے ہتیندر کمار عرف بنٹی اپادھیائے، مین پوری سے گلشن دیو شاکیہ، کھیری سے انشے کالرا راکی جی، اناؤ سے اشوک کمار پانڈے، موہن لال گنج سے راجیش کمار عرف منوج پردھان، کنوج سے عمران بن ظفر ،کوشامبی سے شبھ نارائن، لال گنج سے اندو چودھری اور مرزا پور سیٹ سے منیش ترپاٹھی کو ٹکٹ دیا گیا ہے۔
بی ایس پی نے اپنی لسٹ میں متھرا سیٹ کے لیے اپنے امیدوار کو تبدیل کیا ہے، کمل کانت اپمنیو کا ٹکٹ منسوخ کرنے کے بعد اب بی ایس پی نے سریش سنگھ کو میدان میں اتارا ہے۔ ہیما مالنی اس وقت متھرا سے بی جے پی کی ایم پی ہیں۔بی جے پی نے اس بار بھی انہیں ٹکٹ دیا ہے۔ اب دیکھنا یہ ہے کہ سریش سنگھ ہیما مالنی کی جیت کی ہیٹ ٹرک کو روک پائیں گے یا ہیما مالنی متھرا سیٹ سے جیت کی ہیٹ ٹرک کریں گی۔
منیش ترپاٹھی کو مرزا پور سیٹ سے امیدوار بنایا گیا
بی ایس پی نے سرور ملک کو بی جے پی رکن پارلیمنٹ اور وزیر دفاع راج ناتھ سنگھ کے خلاف لکھنؤ سیٹ سے اپنا امیدوار بنایاہے۔ اس کے علاوہ پارٹی نے منیش ترپاٹھی کو پوروانچل کی مرزا پور سیٹ سے اپنا امیدوار قرار دیا، جو مرکزی وزیر اور اپنا دل (ایس) سپریمو انوپریہ پٹیل کی سیٹ ہے۔
ایس پی کے گڑھ مین پوری سے گلشن دیو شاکیا کا ٹکٹ
اس کے علاوہ بی ایس پی نے سماج وادی پارٹی کے گڑھ مین پوری سے گلشن دیو شاکیا کو ایس پی ایم پی ڈمپل یادو کے خلاف میدان میں اتارا ہے۔ بی ایس پی نے غازی آباد سے نند کشور پنڈر کو ٹکٹ دیا ہے۔ بی ایس پی بغیر کسی اتحاد کے یوپی میں انتخابی میدان میں ہے اور پارٹی نے 80 میں سے کئی سیٹوں پر اپنے امیدواروں کے ناموں کا اعلان بھی کر دیا ہے۔
بھارت ایکسپریس
