مغل حکمراں اورنگ زیب کو لے کر مہاراشٹر میں شروع ہونے والا تنازعہ بدستور جاری ہے۔ وشو ہندو پریشد اور بجرنگ دل اورنگ زیب کے مقبرے کو ہٹانے کا مطالبہ کر رہے ہیں۔ اس سلسلے میں آج 17 مارچ کو ایک مظاہرہ بھی ہونے جا رہا ہے۔ اب کانگریس ایم ایل اے وجے وڈیٹیوار نے اس پورے معاملے پر اپنا ردعمل ظاہر کیا ہے۔ انہوں نے کہا کہ وی ایچ پی اور بجرنگ دل کے پاس کہنے کے لیے کچھ نہیں بچا ہے۔ وہ نہیں چاہتے کہ مہاراشٹر کے لوگ سکون سے رہیں۔
وجے ودیٹیوار نے مزید کہا، “وی ایچ پی اور بجرنگ دل ریاست کی ترقی کی رفتار کو کم کرنا چاہتے ہیں۔ میں انہیں بتانا چاہتا ہوں کہ اورنگ زیب یہاں 27 سال تک رہے اور وہ ریاست کے لیے کچھ نہیں کر سکے۔ اب ان کے مقبرے کو ہٹانے کے بعد انہیں کیا ملے گا؟”
#WATCH | Nagpur, Maharashtra | Regarding the controversy surrounding Aurangzeb’s grave and VHP & Bajrang Dal’s demand to remove it, Congress MLA Vijay Wadettiwar says, “They (VHP & Bajrang Dal) are left with nothing else to do…They don’t want the people of Maharashtra to live… pic.twitter.com/tKWv8w7zt8
— ANI (@ANI) March 17, 2025
وی ایچ پی اور بجرنگ دل کا آج پوری ریاست میں احتجاج
آپ کو بتا دیں کہ وی ایچ پی اور بجرنگ دل نے اورنگ زیب کے مقبرے کو ہٹانے کا مطالبہ کرتے ہوئے آج پوری ریاست میں تحریک چلانے کا اعلان کیا ہے۔ وی ایچ پی اور بجرنگ دل نے دھمکی دی ہے کہ اگر مقبرےکو ہٹانے میں کوئی تاخیر ہوئی تو وہ ‘کار سیوا’ کریں گے۔ صورتحال کو دیکھتے ہوئے مقبرےکے قریب اسٹیٹ ریزرو پولیس فورس کو تعینات کیا گیا ہے۔
اورنگزیب کے مقبرے کے اطراف سیکیورٹی سخت کردی گئی
دوسری جانب چھترپتی سمبھاجی نگر میں اورنگ زیب کے مقبرے کے ارد گرد سیکورٹی سخت کردی گئی ہے۔مقبرے کو توڑنے کی دھمکیوں کے پیش نظر ضلعی پولیس حکام نے ہفتے کے روز مقبرے کا دورہ کیا اور صورتحال کا جائزہ لیا۔ اس دوران ایس آر پی کی ایک کھیپ کو تعینات کیا گیا تھا، جب کہ مقامی پولیس سیکورٹی پہلے سے موجود ہے۔
مقبرےکی حفاظت کے لیے انسپکٹر سطح کے دو سینئر افسران 24 گھنٹے ڈیوٹی پر تعینات کیے گئے ہیں۔ اس کے علاوہ مقبرے کی طرف جانے والی سڑک پر دو مقامات پر ناکہ بندی کر دی گئی ہے اور دو فکس پوائنٹس بھی بنائے گئے ہیں۔ مقبرے پر آنے والے ہر شخص کو چیک کیا جا رہا ہے اور پھر جانے کی اجازت دی جا رہی ہے۔ یہ قدم سیکورٹی کے نظام کو مضبوط بنانے اور کسی بھی ناخوشگوار واقعے سے بچنے کے لیے اٹھایا گیا ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
