مہاراشٹرکے نوی ممبئی میں 11 لوگوں کی موت، اجیت پوار اور آدتیہ ٹھاکرے نے کہی یہ بڑی بات
Maharashtra tragedy: مہاراشٹر میں اتوار کو نوی ممبئی میں منعقدہ ‘مہاراشٹر بھوشن ایواڈ پروگرام’ کے دوران بڑا حادثہ رونما ہوگیا ہے۔اس دوران لو لگنے سے 11 لوگوں کی موت ہوگئی ہے۔ ریاست کے وزیر اعلیٰ ایکناتھ شنڈے نے ان اموات کو انتہائی افسوس ناک قرار دیا۔
قابل ذکر بات یہ ہے کہ ناگپور میں مہاوکاس اگھاڑی کی میٹنگ کے بعد ادھو ٹھاکرے، اجیت پوار اور آدتیہ ٹھاکرے نے ایم جی ایم اسپتال میں زیر علاج مریضوں سے ملاقات کی۔ تینوں رہنماؤں نے مریضوں کی خیریت دریافت کی۔ اجیت پوار اور ادھو ٹھاکرے نے لوگوں کی صحت کے بارے میں معلومات لینے پر حکمرانوں پر سخت نکتہ چینی کی ہے۔
ادھو ٹھاکرے نے کہی یہ اہم بات
ادھو ٹھاکرے نے ٹویٹ کیا کہ پتہ چلا ہے کہ نوی ممبئی میں مہاراشٹر بھوشن سمن تقریب میں کچھ لوگوں کی دردناک موت ہوئی ہے۔ یہ خبر انتہائی افسوسناک، دردناک ہے۔ میں ان کے خاندان کے غم میں برابر کا شریک ہوں۔
کانگریس نے یہ مطالبہ کیا ہے
قابل ذکربات یہ ہے کہ کانگریس کے ترجمان اتل لونگھے نے مطالبہ کیا ہے کہ حکومت کے خلاف مجرمانہ قتل کا مقدمہ درج کیا جائے۔ اس حکومت کی لاپرواہی کی وجہ سے اپریل کے مہینے میں دھوپ میں پروگرام کرکے اس حکومت کی لاپرواہی سے 11 معصوم لوگوں کی موت ہو چکی ہے۔ بہت سے لوگ کی حالت ٹھیک نہیں ہے۔ حکومت کے خلاف مجرمانہ قتل کا مقدمہ درج کیا جائے۔
اطلاعات کے مطابق پروگرام میں شرکت کے لیے لوگ صبح سے ہی آنا شروع ہو گئے۔ پروگرام اتوار کی رات تقریباً 11.30 بجے شروع ہوا اور ایک بجے تک چلا۔ کہا جا رہا ہے کہ ان میں سے بہت سے لوگ ہفتہ کو ہی یہاں پہنچے تھے۔ دھرم ادھیکاری کی تنظیم کے پیروکاروں کی سہولت کے لیے پروگرام کے دوران آڈیو/ویڈیو کی سہولیات فراہم کی گئیں۔ پنڈال میں ڈیوٹی پر موجود ریونیو ڈیپارٹمنٹ کے اہلکار نے بتایا کہ تقریب کے دوران 123 لوگوں نے گرمی سے متعلق صحت کے مسائل جیسے پانی کی کمی کی شکایت کی۔ انہیں فوری طور پر پنڈال میں موجود میڈیکل بوتھ لے جایا گیا اور علاج شروع کر دیا گیا۔ پروگرام کے دوران ہیٹ اسٹروک سے متاثرہ افراد کو فی الحال کھارگھر کے ٹاٹا اسپتال لے جایا جا رہا ہے۔
-بھارت ایکسپریس
