ملک کے معروف یوٹیوبر دھروو راٹھی کو لے کر ایک بڑی خبر سامنے آئی ہے۔ اطلاعات کے مطابق، دہلی پولیس نے انہیں گروگرام میں واقع ان کی رہائش گاہ سے حراست میں لے لیا ہے۔ بتایا جا رہا ہے کہ وہ چیف الیکشن کمشنر کے خلاف کاکروچ جنتا پارٹی (سی جے پی) کے احتجاج میں شامل ہونے کے لیے جا رہے تھے۔
اپنی بے باک اور سخت تبصروں کے لیے پہچانے جانے والے دھروو راٹھی گزشتہ کچھ عرصے سے مسلسل سرخیوں میں ہیں۔ حالیہ دنوں میں ان کے کئی ویڈیوز اور بیانات سامنے آئے، جنہیں لے کر فلمی صنعت اور سوشل میڈیا پر بحث اور تنازع بھی ہوا۔
اداکار پرکاش راج کے ساتھ ایک ہی اسٹیج پر آئے تھے نظر
کچھ عرصہ قبل بنگلورو کے فریڈم پارک میں ایک بڑے سیاسی احتجاج کے دوران دھروو راٹھی جنوبی ہند اور بالی ووڈ کی فلموں کے معروف اداکار پرکاش راج کے ساتھ ایک ہی اسٹیج پر نظر آئے تھے۔ اس احتجاج کے دوران دونوں نے حکومت کے خلاف نعرے لگائے تھے۔ اس واقعے کے بعد سوشل میڈیا پر فلمی دنیا سے وابستہ بعض افراد اور صارفین نے دونوں پر تنقید کی تھی۔
اداکاراؤں کے حسن کے معیار پر اٹھائے تھے سوال
دسمبر 2025 میں دھروو راٹھی نے بالی ووڈ کی مشہور شخصیات کی کاسمیٹک سرجری اور حسن کے مقررہ معیار پر ایک ویڈیو جاری کیا تھا۔ اس ویڈیو کے تھمب نیل اور مواد میں انہوں نے جھانوی کپور، دیپیکا پڈوکون، پریانکا چوپڑا اور انوشکا شرما جیسی معروف اداکاراؤں کی پہلے اور بعد کی تصاویر استعمال کی تھیں۔اس کے بعد سوشل میڈیا پر کئی لوگوں نے ان پر اداکاراؤں کو ذاتی طور پر نشانہ بنانے اور انہیں ٹرول کرنے کا الزام لگایا تھا۔
’دھریندر‘ اور ’دی کشمیر فائلز‘ پر بھی ہوا تھا تنازع
دھروو راٹھی نے اداکار رنویر سنگھ کی فلم ’دھریندر‘ کے ٹریلر پر سخت تنقید کرتے ہوئے اس میں دکھائے گئے تشدد کے مناظر کو معاشرے کے لیے نقصان دہ قرار دیا تھا۔ انہوں نے سنسر بورڈ سے بھی اس معاملے پر غور کرنے کا مطالبہ کیا تھا۔
اس کے علاوہ، ہدایت کار وویک اگنی ہوتری کی فلم ’دی کشمیر فائلز‘ کی ریلیز کے دوران بھی دھروو راٹھی نے فلم میں کیے گئے دعوؤں پر سوال اٹھائے تھے۔ اس کے بعد ہدایت کار اور یوٹیوبر کے درمیان سوشل میڈیا پر طویل بحث چھڑ گئی تھی۔کنگنا رناوت کے ساتھ ان کا پرانا تنازع بھی خاصا زیر بحث رہا تھا۔ یہ معاملہ اس وقت سامنے آیا تھا جب ممبئی میں بی ایم سی کی جانب سے اداکارہ کے دفتر کو منہدم کیا گیا تھا اور اس معاملے پر دونوں کے درمیان اختلافات پیدا ہوگئے تھے۔فی الحال، دھروو راٹھی کو حراست میں لیے جانے کی اس اطلاع کے بعد سیاسی حلقوں اور سوشل میڈیا پر بحث تیز ہوگئی ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
