حکومت کے ذریعے فراہم کردہ اعداد و شمار کے مطابق NHAA کے ٹول فری نمبر 14566 پر صرف گجرات میں گزشتہ پانچ سالوں میں شیڈول کاسٹ اور شیڈول ٹرائب کے ممبران کی جانب سے 15,303 شکایات موصول ہوئی ہیں۔ راجیہ سبھا میں کانگریس لیڈر رندیپ سرجے والا کے ایک سوال کے جواب میں حکومت نے بتایا کہ ذات پات پر مبنی مظالم اور زیادتیوں سے متعلق شکایات کی تعداد 2022 میں 3,755 سے بڑھ کر 2023 میں تقریباً دوگنی یعنی 7,432 ہو گئی، جو ایک پریشان کن رجحان کی نشاندہی کرتا ہے۔
کیا کہتے ہیں اعداد و شمار؟
اعداد و شمار کے مطابق گجرات میں 2020 میں 191 شکایات درج ہوئیں، جو 2021 میں بڑھ کر 705 ہو گئیں اور 2022 میں اچانک بڑھ کر 3,755 تک پہنچ گئیں۔ 2023 میں یہ تعداد 7,432 تک پہنچ گئی۔ حالاں کہ 2024 میں یہ تعداد 2,144 اور 2025 کے پہلے سات مہینوں میں 1,076 رہ گئی، لیکن پانچ سالوں کا مجموعی ریکارڈ 15,303 شکایات کا ہے، جو ریاست میں سماجی انصاف کے مسائل کی شدت کو ظاہر کرتا ہے۔
حکومت نے مزید بتایا کہ 31 جولائی 2025 تک گجرات میں 223 ایف آئی آر درج کی گئیں جن میں سے 221 کیس حل ہو چکے ہیں اور صرف دو زیر التواء ہیں۔ دریں اثنا پورے ملک میں 30 جولائی 2021 تک پورے NHAA کو 6,34,066 کالز موصول ہوئی ہیں۔ یہ اعدادوشمار ظاہر کرتے ہیں کہ اگرچہ لوگوں میں آگاہی اور شکایت درج کرانے کا رجحان بہتر ہوا ہے، لیکن گجرات میں ذات پات پر مبنی ظلم و زیادتی اب بھی ایک سنگین سماجی چیلنج ہیں، جس پر فوری توجہ اور موثر اقدامات کی ضرورت ہے۔
حکومت کو دینی چاہیے خصوصی توجہ
یہ صورت حال ریاست میں انسانی حقوق اور سماجی انصاف کے حوالے سے گہری تشویش پیدا کرتی ہے۔ حکومت کو اس صورت حال سے نپٹنے کے لیے مزید سنجیدہ اقدامات کرنے ہوں گے، تاکہ تمام شہریوں کو بغیر کسی تعصب کے تحفظ اور انصاف مل سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
