سپریم کورٹ نے پیر کو انفورسمنٹ ڈائریکٹوریٹ (ای ڈی) کو پھٹکار لگائی اور ای ڈی کے مبینہ سیاسی استعمال پر سخت تبصرہ کیا۔ سپریم کورٹ نے کرناٹک کے وزیر اعلی کی اہلیہ کے خلاف دائر ای ڈی کی درخواست کو خارج کر دیا اور کرناٹک ہائی کورٹ کے حکم کو برقرار رکھا۔ اس پر خوشی کا اظہار کرتے ہوئے کرناٹک کے وزیر اعلیٰ سدارامیا نے کہا کہ آخرکار انصاف ہوا ہے اور MUDA کیس بھی اپنے انجام کو پہنچا ہے۔چیف جسٹس بی آر گوائی اور جسٹس کے ونود چندرن کی بنچ نے ای ڈی کی درخواست پر سماعت کی۔ ای ڈی نے کرناٹک ہائی کورٹ کے اس حکم کو چیلنج کیا تھا، جس میں ہائی کورٹ نے MUDA گھوٹالے میں کرناٹک کے وزیر اعلی کی بیوی پاروتی کے خلاف کارروائی پر روک لگا دی تھی۔
The Supreme Court’s historic verdict rejecting the Enforcement Directorate’s appeal to investigate my wife, Smt. Parvathi, in connection with the MUDA site allotment case is a resounding slap on the face of the Central Government’s vendetta politics. This verdict has not only… pic.twitter.com/ybqMHqelm9
— Siddaramaiah (@siddaramaiah) July 21, 2025
ای ڈی کی جانب سے ایڈیشنل سالیسٹر جنرل ایس وی راجو سپریم کورٹ میں پیش ہوئے۔ درخواست پر سماعت کرتے ہوئے سپریم کورٹ نے کہا، راجو، براہ کرم ہمیں منہ کھولنے پر مجبور نہ کریں۔ ورنہ ہمیں ای ڈی کے خلاف کچھ سخت الفاظ استعمال کرنے ہوں گے۔بدقسمتی سے، مجھے مہاراشٹر میں کچھ تجربہ ہوا ہے۔ اب آپ اس تشدد کو پورے ملک میں نہ پھیلائیں۔ سیاسی لڑائیاں عوام کے سامنے الیکشن میں لڑی جائیں۔ آپ کو کیوں استعمال کیا جا رہا ہے…؟ عدالت نے ای ڈی کی عرضی کو مسترد کرتے ہوئے کرناٹک ہائی کورٹ کے حکم کو برقرار رکھا۔
کرناٹک کے وزیر اعلیٰ نے اس فیصلے پر خوشی کا اظہار کیا
کرناٹک کے وزیر اعلیٰ سدارامیا نے سپریم کورٹ کے فیصلے پر خوشی کا اظہار کرتے ہوئے ایک بیان جاری کرتے ہوئے کہا کہ آخرکار انصاف ہوا ہے۔ وزیر اعلیٰ کے دفتر سے جاری بیان میں کہا گیا ہے کہ ‘سپریم کورٹ نے ہائی کورٹ کے حکم کو برقرار رکھا اور ای ڈی کی درخواست کو مسترد کر دیا۔ عدالت ای ڈی کے خلاف تبصرہ کرتے ہوئے محتاط رہی اور کہا کہ اس معاملے پر سیاست نہیں کی جانی چاہیے۔ سپریم کورٹ کو ہائی کورٹ کے فیصلے میں کوئی خامی نہیں ملی۔ انصاف ہو گیا اور MUDA گھوٹالے میں ED کی مداخلت اب بند ہو جائے گی۔میسور اربن ڈیولپمنٹ اتھارٹی معاملے میں کرناٹک کے وزیر اعلی سدارامیا کی اہلیہ پاروتی سدارامیا پر زمین کی الاٹمنٹ میں بے ضابطگیوں کا الزام لگایا گیا تھا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
