آئی پی ایس لکشمی سنگھ کون ہیں؟
آئی پی ایس لکشمی سنگھ: اتر پردیش میں یوگی حکومت نے امن و امان کو بہتر بنانے کے لئے کئی اضلاع میں آئی پی ایس افسران کے تبادلے کیے ہیں۔ جس میں آگرہ، وارانسی، گوتم بدھ نگر، متھرا، غازی آباد، ایودھیا، لکھنؤ، بہرائچ اور پریاگ راج سمیت کئی اضلاع سے 16 آئی پی ایس افسران کا تبادلہ کیا گیا ہے۔
اسی سلسلے میں گوتم بدھ نگر (نوئیڈا) کے پولیس کمشنر آلوک سنگھ کا تبادلہ کرکے انہیں لکھنؤ کی ذمہ داری دی گئی ہے۔ دوسری طرف، تیج ترار آئی پی ایس افسر لکشمی سنگھ کو گوتم بدھ نگر (نوئیڈا) پولیس کمشنر کی ذمہ داری دی گئی ہے۔ آئیے جانتے ہیں کہ آئی پی ایس آفیسر لکشمی سنگھ کون ہیں، جو یوپی کے کسی بھی ضلع کی پہلی خاتون پولیس کمشنر بنی ہیں۔
آئی پی ایس لکشمی کو چیف منسٹر کے بہترین سروس پولیس میڈل سے نوازا گیا
آئی پی ایس لکشمی سنگھ بہت ہوشیار پولیس افسر ہیں۔ ان کی بہترین کارکردگی اور اپنی ذمہ داریوں کو ایمانداری سے نبھانے پر انہیں کئی اعزازات سے بھی نوازا جا چکا ہے۔ آئی پی ایس لکشمی سنگھ کو چیف منسٹر ایکسیلنس سروس پولیس میڈل سے نوازا جا چکاہے۔ اس کے علاوہ انہیں مرکزی وزارت داخلہ نے میرٹھ کو ہندوستان میں نمبر ایک کے مقام پر لانے کے لئے 2 لاکھ روپے کا انعام بھی دیا تھا۔
پی ایم سے سلور بٹن موصول ہوا
آئی پی ایس اآفیسرلکشمی سنگھ کو سردار ولبھ بھائی پٹیل نیشنل پولیس اکیڈمی، حیدرآباد میں تربیت کے دوران بہترین پروبیشنر قرار دیا گیا۔ 2000 بیچ کے آئی پی ایس اآفیسر لکشمی سنگھ کو پی ایم سے سلور بٹن مل چکا ہے۔ اس کے علاوہ انہیں مرکزی وزارت داخلہ کی جانب سے انعام کے طور پر 9 ایم ایم پستول بھی دیا گیا تھا۔
مافیا کے خلاف کارروائی کرکے ایک الگ پہچان بنائی
آئی پی ایس آفیسر لکشمی سنگھ نے اپنے دور میں کئی اضلاع میں خدمات انجام دی ہیں۔ لکشمی اس سے قبل وارانسی، چترکوٹ، گونڈا، فرخ آباد، باغپت اور بلند شہر میں ایس پی اور ایس ایس پی کے طور پر خدمات انجام دے چکی ہیں۔ اس کے ساتھ وہ مافیا اور منظم جرائم کے خلاف مہم چلا کر بھی کئی بار خبروں میں رہی ہیں۔
پی ایم مودی کی طرف سے اعزاز
آئی پی ایس لکشمی سنگھ نے کئی انعامی ڈاکوؤں اور مجرموں کا انکاؤنٹر بھی کیا ہے۔ جب آئی پی ایس لکشمی سنگھ ایس ٹی ایف میں ڈی آئی جی کے عہدے پر تعینات تھیں تو انہوں نے ایک کے بعد ایک مجرموں کے خلاف کارروائی کی۔ اس کے علاوہ انہیں پی ایم مودی نے کمپیوٹرائزیشن کے کام کے لئے اعزاز سے نوازا۔
لکشمی اے سی آفس سے رہتی ہیں دور
آئی پی ایس آفیسر لکشمی سنگھ اپنا زیادہ تر وقت زمین پر گزارتی ہیں۔ لکشمی سنگھ کا خیال ہے کہ زمین پر رہ کر واقعات کو قریب سے دیکھا جا سکتا ہے۔ یہی وجہ ہے کہ حال ہی میں لکھنؤ رینج کی تمام بڑی وارداتوں میں وہ خود موقع پر پہنچتی تھیں، جس کی وجہ سے عوام میں پولیس کا مثبت امیج بنتا تھا۔ لکشمی سنگھ اے سی آفس میں بیٹھ کر کام کرنے میں یقین نہیں رکھتیں۔
2000 بیچ کی خاتون IPS ٹاپر لکشمی سنگھ نے مکینیکل انجینئرنگ اور سوشیالوجی میں ایم اے کی ڈگری مکمل کرنے کے بعد پولیس کی خاکی وردی پہنی۔ وہ اپنی ڈیوٹی ایمانداری اور حوصلے سے نبھا رہی ہیں۔
