Weather Today: گرمی اور چلچلاتی دھوپ سے عوام کو ریلیف ملے گا۔ موسم کا مزاج بدلنا شروع ہوگیا ہے اور بارش ایک بار پھر شروع ہونے والی ہے۔ محکمہ موسمیات نے آئندہ تین روز تک ملک کے بیشتر علاقوں میں بارش کی پیش گوئی کی ہے۔ خلیج بنگال میں کم دباؤ کا علاقہ بننے کی وجہ سے 6 ستمبر سے 9 ستمبر کے درمیان اتر پردیش، مدھیہ پردیش، مغربی بنگال، جنوبی ہندوستان اور شمال مشرقی ریاستوں میں شدید بارش ہوسکتی ہے۔ آئی ایم ڈی نے کہا کہ کم دباؤ کا علاقہ جنوبی اوڈیشہ اور شمالی آندھرا پردیش کے درمیان ساحل سے دور واقع ہے۔ محکمہ نے کہا کہ اس کے اثر سے اوڈیشہ میں تیز بارش، گرج چمک اور بجلی گرنے کا امکان ہے۔
محکمہ موسمیات نے کہا کہ مغربی بنگال میں آسمانی بجلی اور طوفان کی وجہ سے 6 سے 7 ستمبر کے دوران مغربی بنگال میں ہلکی یا درمیانی شدت کی بارش ہوسکتی ہے۔ اس کے ساتھ ہی اوڈیشہ، جھارکھنڈ اور انڈمان اور نکوبار میں شدید بارش کے امکانات ہیں۔ اس کی وجہ سے اوڈیشہ کے نشیبی علاقوں میں پانی جمع ہونے اور شہری علاقوں میں ٹریفک جام ہونے کی وارننگ دی گئی ہے۔
یوپی، ایم پی اور راجستھان میں 9 ستمبر تک موسلادھار بارش کا امکان
مغربی اتر پردیش میں 6 ستمبر تک اور مشرقی اتر پردیش میں 6 اور 7 ستمبر تک گرج چمک کے ساتھ تیز بارش کے امکانات ہیں۔ اس کے علاوہ، محکمہ موسمیات نے مشرقی راجستھان میں 7 اور 9 ستمبر کو اور اتراکھنڈ میں 8 اور 9 ستمبر کو ہلکی بوندا باندی سے درمیانی اور بھاری بارش کی پیش گوئی کی ہے۔ مدھیہ پردیش اور چھتیس گڑھ میں بھی لوگوں کو اگلے تین دن تک گرمی سے راحت ملے گی۔ 6 سے 9 ستمبر کے دوران بارش سے موسم خوشگوار رہے گا۔ آئی ایم ڈی نے شدید بارش کی بھی وارننگ دی ہے۔
شمال مشرقی ریاستوں میں 9 ستمبر تک برسیں گے بادل
شمال مشرقی ریاستوں میں بھی 9 ستمبر تک بارش کی پیش قیاسی کی گئی ہے۔ آسام اور میگھالیہ میں 8 اور 9 ستمبر کے دوران اور ناگالینڈ، منی پور، میزورم اور تریپورہ میں 7 سے 9 ستمبر کے دوران بارش متوقع ہے۔
-بھارت ایکسپریس
