یوپی میں 9اسمبلی سیٹوں پر ضمنی انتخابات کا عمل مکمل ہوچکا ہے۔ آج صبح سات بجے سے جاری ووٹنگ اب ختم ہوچکی ہے۔ حالانکہ ابھی بھی کئی پولنگ بوتھ پر چھوٹی بڑی قطاریں نظر آرہی ہیں ۔ لیکن الیکشن کمیشن کی طرف سے دیا گیا وقت ختم ہوچکا ہے۔ یوپی میں گرچہ 9سیٹوں پرووٹنگ ہورہی تھی لیکن ہنگامہ مہاراشٹر اور جھارکھنڈ سے کہیں زیادہ دیکھنے کو ملا۔ بیشتر سیٹوں پر ہنگامے اور ایک خاص طبقے کے ووٹروں کو ووٹنگ سے روکنے کی خبریں ملیں۔ کئی بار شکایات بھی کی گئیں اور الیکشن کمیشن نے ایکشن بھی لیا اور یوپی کے کئی اہلکاروں کو معطل کردیا گیا ۔
واضح رہے کہ اتر پردیش کی 9 سیٹوں پر کل 90 امیدوار اپنی قسمت آزما رہے تھے۔ یوپی کے ضمنی انتخابات میں 36 لاکھ سے زیادہ ووٹرزنے اپنے حق رائے دہی کا استعمال کرتے ہوئے اپنے ایم ایل اے کا انتخاب کیا ہے۔ یوپی میں جن 9 سیٹوں پر ضمنی انتخابات ہوئے ہیں ان میں غازی آباد، مظفر نگر کی میراپور، علی گڑھ کی کھیر، مراد آباد کی کنڈرکی، امبیڈکر نگر کی کٹہاری، مین پوری کی کرہل، پریاگ راج کی پھول پور اور مرزا پور کی ماجھوان سیٹ شامل ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
