شمالی ہندوستان میں موسم بدل رہا ہے۔ دن کے وقت تیز دھوپ اور ہلکی ہلکی ٹھنڈی راتوں کا آغاز ہو چکا ہے۔ قومی دارالحکومت دہلی میں کم سے کم درجہ حرارت اب معمول سے نیچے آ گیا ہے۔ ہماچل پردیش اور اتراکھنڈ سمیت پہاڑی ریاستوں کو برف کی چادر نے اپنی لپیٹ میں لے لیا ہے۔ مشرقی اور جنوبی ہندوستانی ریاستوں کے کئی حصوں میں مانسون کی بارش اب بھی جاری ہیں۔
دہلی میں دھوپ اور سردی کاملا جلا اثر
دارالحکومت دہلی میں آج موسم مکمل طور پر صاف رہے گا۔ بارش کا کوئی الرٹ جاری نہیں کیا گیا ہے۔ زیادہ سے زیادہ درجہ حرارت 31 ڈگری سیلسیس اور کم سے کم درجہ حرارت 18 ڈگری سیلسیس کے آس پاس رہنے کا امکان ہے۔ قابل ذکر بات یہ ہے کہ راتیں اب سرد ہوتی جا رہی ہیں۔ لوگوں کو صبح کے وقت ہلکی سردی کا سامنا کرنا پڑ سکتا ہے، جب کہ دن کی دھوپ میں ہلکی نرمی اور درجہ حرارت نارمل رہے گا۔
اتر پردیش میں موسم کیسا رہے گا؟
آج، پیر 13 اکتوبر کو مغربی اور مشرقی اتر پردیش میں موسم خشک رہنے کی توقع ہے۔ قابل ذکر بات یہ ہےکہ 14 اور 15 اکتوبر کو مغربی اور مشرقی اتر پردیش میں موسم صاف رہنے کی امید ہے۔ اس دوران ریاست میں کہیں بھی تیز بارش یا تیز ہوا چلنے کا کوئی امکان نہیں ہے۔ اسی طرح 16 اور 17 اکتوبر کو ریاست کے مغربی اور مشرقی حصوں میں موسم صاف رہنے کی امید ہے۔ اس دوران ریاست کے لیے کوئی الرٹ جاری نہیں کیا گیا ہے۔
بہار میں موسم آہستہ آہستہ بدل رہا ہے
بہارمیں موسم آہستہ آہستہ بدل رہا ہے۔ صبح اور شام کی ہوائیں قدرے سرد ہو رہی ہیں ،جب کہ دوپہر کی دھوپ اب بھی گرمی کا احساس دلا رہی ہے۔ محکمہ موسمیات کے مرکز پٹنہ کے مطابق مانسون ریاست سے دھیرے دھیرے پیچھے ہٹ رہا ہے۔ مانسون کے اثرات 3-4 دنوں میں ختم ہو جائیں گے۔ محکمہ موسمیات نے اس وقت بارش کی کوئی وارننگ جاری نہیں کی ہے۔ پیر کو ریاست میں موسم عام طور پر خشک رہے گا، کچھ علاقوں میں جزوی طور پر ابر آلود رہنے کی توقع ہے۔
کن ریاستوں میں بارش کا امکان ہے؟
مہاراشٹر، گجرات، مدھیہ پردیش، جھارکھنڈ، اڈیشہ، چھتیس گڑھ، آندھرا پردیش اور تلنگانہ میں ہلکی بارش متوقع ہے۔ محکمہ موسمیات کے مطابق، پہاڑوں پر ابتدائی برف باری اور مغربی ڈسٹربنس سے چلنے والی ٹھنڈی ہواؤں کے باعث شمالی ہندوستان میں موسم سرما کا آغاز ہو گیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
