Udaipur Violence Latest News: راجستھان کے تاریخی شہرادے پورمیں جمعہ کے روزدوبچوں کے درمیان جھڑپ کے بعد سے شہرمیں کشیدگی کا ماحول ہے۔ حادثہ کی سنجیدگی کودیکھتے ہوئے تصادم والے علاقوں میں پولیس اہلکارتعینات کردیئے گئے ہیں۔ اس معاملے میں خبریہ ہے کہ ادے پورمیں چاقوبازی کے حادثہ میں شامل ایان شیخ اوران کے والد سلیم شیخ کے دیوان شاہ علی کالونی واقع مکان پرمیونسپل کارپوریشن کے دستے پہنچ گئے ہیں۔ بتایا جا رہا ہے کہ ملزم کے گھرپربلڈوزرکی کارروائی چل رہی ہے۔
ادے پورمیونسپل کارپوریشن کے دستوں کے ذریعہ گھرکا سامان نکال کرمکان کی بجلی کاٹی جارہی ہے۔ اس کے بعد مکان کومنہدم کرنے کے لئے کارپوریشن انتظامیہ بلڈوزرکی کارروائی چل رہی ہے۔ موقع پربڑی تعداد میں پولیس اہلکارموجود ہیں۔
#WATCH | Udaipur, Rajasthan: Force deployed in the city after a clash broke out between two children. The Udaipur district administration has imposed Section 144 to maintain law and order here.
The district administration has issued an order to shut down the internet for 24… pic.twitter.com/QUaJcvGQF9
— ANI MP/CG/Rajasthan (@ANI_MP_CG_RJ) August 17, 2024
ایان شیخ کی چیٹ وائرل
ادے پورمیں چاقو بازی سے متعلق معاملے میں اپنے کلاس میٹ پرجان لیوا حملہ کرنے کا ملزم ایان شیخ کی ایک سوشل میڈیا چیٹ بھی سامنے آیا ہے۔ ایان شیخ چیٹ میں وہ دوسرے دوست کے ساتھ مل کرحملہ کرنے اورجان سے مارنے کی بات کررہا ہے۔ بتایا جا رہا ہے کہ یہ چیٹ حملے سے تین دن پہلے کا ہے۔
ادے پورمیں دفعہ 144 نافذ
ادے پورضلع انتظامیہ نے یہاں لاء اینڈ آرڈربنائے رکھنے کے لئے دفعہ 144 نافذ کردی ہے۔ بڑی تعداد میں پولیس فورس کو تعینات کیا گیا ہے۔ ضلع انتظامیہ نے گزشت رات 10 بجے سے 24 گھنٹے کے لئے انٹرنیٹ بند کرنے کا حکم جاری کیا ہے۔ حالانکہ حالات پوری طرح سے کنٹرول میں ہیں، لیکن حالات کشیدہ ہیں۔
واضح رہے کہ جمعہ کوادے پورمیں اسکولی بچوں میں چاقوبازی کے حادثہ کے بعد اچانک شہرکا ماحول خراب ہوگیا۔ شہرمیں کئی جگہ آگ زنی اورتوڑپھوڑہوئی۔ کاروں میں آگ لگا دی گئی۔ ضلع کلکٹراروند پوسوال کے مطابق، 16 اگست کی صبح ایک حادثہ ہوا، جس میں دو بچے آپس میں لڑرہے تھے اورایک بچے پرچاقو سے حملہ کیا گیا۔ وہ زخمی ہوگیا۔ فی الحال بچے کی حالت مستحکم ہے۔
بھارت ایکسپریس–
