ہندوستان اور پاکستان کے درمیان جنگ بندی کو لے کر ملک میں حزب اختلاف نے پہلے ہی مودی حکومت کو امریکی ثالثی کے حوالے سے گھیر رکھا ہے۔ اب امریکی صدر ڈونلڈ ٹرمپ نے بہت بڑا دعویٰ کرتے ہوئے کہا ہے کہ میں نے ’’تجارت‘‘ کا استعمال کرتے ہوئے دونوں ممالک کو جنگ روکنے پر مجبور کیا اور ایک جوہری (نیو کلیئر) جنگ کو روکا ہے۔
ٹرمپ نے دعویٰ کیا کہ دونوں ممالک کے درمیان جنگ بندی کے بہت سے اسباب ہیں، لیکن ایک اہم وجہ تجارت ہے۔ وائٹ ہاؤس میں بریس بریفنگ کے دوران ٹرمپ نے بڑا دعویٰ کرتے ہوئے کہا کہ ’’۔۔۔ہم نے (جنگ بندی) میں بہت مدد کی اور ہم نے تجارت کے حوالے سے بھی مدد کی۔ میں نے کہا کہ میں دونوں ممالک کے ساتھ بہت سی تجارت کرنے والا ہوں۔ تو جنگ روک دو۔‘‘
تجارت کی دھمکی دے کر رکوائی جنگ، ٹرمپ کا بڑا دعویٰ
ٹرمپ نے کہا میں نے تجارت کی دھمکی دے کر رکوائی ہے جنگ۔ ٹرمپ نے کہا ’’اگر جنگ روکوگے تو ہم تجارت کریں گے اور اگر جنگ نہیں روکوگے تو ہم کوئی بھی تجارت نہیں کریں گے۔ لوگوں نے تجارت کو کبھی اس طرح استعمال نہیں کیا ہے، جیسے میں نے کیا۔ اس کے بعد میں آپ کو بتا سکتا ہوں کہ اچانک ہی دونوں ممالک نے کہا کہ ہمیں لگتا ہے کہ ہم جنگ روکنے جا رہے ہیں اور دونوں نے جنگ روک دی۔‘‘
#WATCH | US President Donald Trump says, “…I’m very proud to let you know that the leadership of Indian and Pakistan was unwavering and powerful, but unwavering in both cases – they really were from the standpoint of having the strength and the wisdom and fortitude to fully… pic.twitter.com/rFbznHMJDF
— ANI (@ANI) May 12, 2025
ٹرمپ کا یہ بیان ایسے وقت میں آیا ہے جب ہندوستان نے جنگ بندی کے لیے کسی کی بھی ثالثی سے انکار کیا ہے اور کہا ہے کہ جنگ بندی دوطرفہ بات چیت کے بعد ہوئی ہے اور پاکستان کی درخواست پر کی گئی ہے۔ تاہم ٹرمپ کا تازہ بیان حکومت کے اس دعوے پر سنگین سوالات کھڑے کر دیتا ہے۔ کانگریس پہلے ہی اس حوالے سے حکومت کو گھیرے ہوئے ہے کہ جنگ بندی کی اطلاع ہمیں ٹرمپ سے کیوں ملی، حکومت سے کیوں نہیں۔ اب دیکھنا یہ ہے کہ آٹھ بجے وزیر اعظم مودی ملک سے خطاب کرتے ہوئے کیا کہتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
