Trump praised PM Modi: ٹرمپ نے کی وزیر اعظم مودی کی دل کھول کر تعریف، کہا کہ وہ بہت اسمارٹ ہیں اور ساتھ ہی میرے اچھے دوست بھی

امریکی صدر ڈونلڈ ٹرمپ نے جمعہ کو ہندوستان اور امریکہ کے درمیان ٹیرف مذاکرات کے بارے میں مثبت امید کا اظہار کیا اور وزیر اعظم نریندر مودی کی قائدانہ صلاحیتوں کی تعریف کرتے ہوئے ’’بہت اسمارٹ‘‘ اور ’’بہترین دوست‘‘ قرار دیا۔ نیو جرسی کے لیے امریکی اٹارنی Alina Habba کی حلف برداری کی تقریب میں صحافیوں کے ساتھ بات چیت کے دوران سوالات کا جواب دیتے ہوئے ٹرمپ نے وزیر اعظم مودی کی قائدانہ خوبیوں کی تعریف کی اور انھیں ایک ’’عظیم وزیر اعظم‘‘ قرار دیا۔ ٹرمپ نے کہا کہ ’’وزیر اعظم مودی ابھی حال ہی میں یہاں آئے تھے اور ہم ہمیشہ سے بہت اچھے دوست رہے ہیں۔‘‘

ٹرمپ نے مزید کہا ’’ہندوستان دنیا میں سب سے زیادہ ٹیرف لگانے والے ممالک میں سے ایک ہے… وہ بہت اسمارٹ ہیں۔ وہ (مودی) بہت اسمارٹ ہیں اور میرے بہت اچھے دوست ہیں۔ ہم نے بہت اچھی بات چیت کی ہے۔ مجھے لگتا ہے کہ یہ (مذاکرات) ہندوستان اور ہمارے ملک کے درمیان بہت اچھا کام کرنے والا ہے۔ اور میں کہنا چاہتا ہوں کہ آپ کے پاس ایک عظیم وزیر اعظم ہے۔‘‘

ٹرمپ کے یہ تبصرے فروری میں مودی کے دورۂ امریکہ کے بعد سامنے آئے ہیں، جہاں ان دونوں رہنماؤں نے 2025 کے موسم خزاں تک باہمی طور پر فائدہ مند دو طرفہ تجارتی معاہدے (BTA) کی پہلی قسط پر بات چیت کرنے کے منصوبوں کا اعلان کیا، جس سے دونوں ممالک کے درمیان اقتصادی تعلقات مضبوط ہوں گے۔ جمعرات کو اوول آفس سے ایک اہم پالیسی اعلان میں ٹرمپ نے ریاستہائے متحدہ میں داخل ہونے والی تمام درآمدی گاڑیوں پر 25 فیصد ٹیرف کا اعلان کیا۔ اس اقدام کو انھوں نے گھریلو مینوفیکچرنگ کے لیے ’’بہت ہی دلچسپ‘‘ قرار دیا۔

بھارت ایکسپریس اردو