مدھیہ پردیش کے چھندواڑا میں زہریلے کف سیرپ سے بچوں کی موت نے کئی خاندانوں کو گہرے صدمے میں مبتلا کر دیا ہے۔ متاثرہ خاندان اب ملزموں کے خلاف سخت کارروائی کی مانگ کر رہے ہیں۔ اس واقعے پر 3 سال 11 ماہ کے اُسید کے والد یاسین کا روتے روتے برا حال ہے۔
10 اکتوبر اُسید کی تھی سالگرہ
متاثرہ کے والد نے بتایا کہ 10 اکتوبر اسید کی سالگرہ تھی۔ اس کے علاج میں تقریباً ساڑھے تین لاکھ روپے خرچ ہو گئے۔ علاج کے لیے انہیں اپنا آٹو رکشہ تک فروخت کرنا پڑ گیا۔ اس کے باوجود وہ اپنے بیٹے کی جان نہ بچا سکے۔ اسید کا علاج کرنے والے ڈاکٹر نے کولڈریف سیرپ تجویز کی تھی۔ اسید کی والدہ اور دادی اب بھی غم سے نڈھال ہیں۔ خاندان بھر میں جہاں خوشی ہونی تھی، اب وہاں ماتم ہے۔
والد نے قرض لیکر کرایا علاج
پانچ سالہ عدنان کے والد امین نے بتایا کہ وہ مالی طور پر کمزور ہیں۔ انہوں نے اپنے بیٹے کے علاج کے لیے قرض لیا اور تقریباً ایک مہینے تک اپنی دکان بند رکھی۔ امین نے بتایا کہ انتقال سے پہلے عدنان نے اپنی ماں سے کہا تھا، ’’مجھے بچالو، گھر لے چلو۔‘‘ عدنان کے والد اور دادا نے ملزمین کو مافیا قرار دیتے ہوئے ان کے گھروں پر بلڈوزر کارروائی کی مانگ کی ہے۔
ملزم ڈاکٹر پروین سونی کو مقامی لوگوں کی حمایت
زہریلی دوا تجویز کرنے کے الزام میں گرفتار ڈاکٹر پروین سونی کو مقامی برادری کی طرف سے حمایت حاصل ہو رہی ہے۔ پراسیا کے دیگر میڈیکل اسٹور کے مالکان ان کے حق میں سامنے آئے ہیں۔ ان کا کہنا ہے کہ ڈاکٹر سونی گزشتہ 40 برسوں سے پریکٹس کر رہے ہیں اور آج تک ان پر ایسا کوئی الزام نہیں لگا۔ ممکن ہے کہ دوا کا کوئی مخصوص بیچ ناقص یا غیر معیاری ہو، جس کے باعث یہ اموات ہوئیں۔ ڈاکٹر سونی کا ذاتی کلینک اور ان کے خاندان کا میڈیکل اسٹور، جہاں کولڈریف سیرپ دی جا رہی تھی، فی الحال سیل کر دیے گئے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
