بنگال کے درگا پور میں بی جے پی کی ریلی کے دوران وزیر اعظم نریندر مودی کے اس تبصرہ کی سخت تردید کرتے ہوئے کہ ’جہاں بی جے پی ہے وہاں بنگالیوں کو عزت دی جاتی ہے‘، ترنمول کانگریس نے جمعہ کو کہا کہ وہ یا تو جھوٹ بول رہے ہیں یا تجاہل عارفانہ سے کام لے رہے ہیں۔ پی ایم مودی کے تبصرے پر ردعمل کا اظہار کرتے ہوئے سوشل میڈیا پلیٹ فارم ’ایکس‘ پر ایک پوسٹ میں ترنمول کانگریس نے کہا کہ ’’بنگال کی سرزمین پر کھڑے ہو کر یہ کہا جا رہا ہے، جب کہ آسام، دہلی، مہاراشٹر، اُڈیشہ، چھتیس گڑھ، ہریانہ، مدھیہ پردیش، گجرات میں بنگالی بولنے والے شہریوں کو ہراساں کیا جا رہا ہے، حراست میں لیا جا رہا ہے، جیلوں میں ڈالا جا رہا ہے اور ان کی تذلیل کی جا رہی ہے۔‘‘
.@narendramodi says: “देश में जहाँ भी भाजपा है, बंगला का सम्मान है”
The audacity to say this while standing on Bengal’s soil.
Bengali-speaking citizens are being harassed, detained, jailed, and humiliated in Assam, Delhi, Maharashtra, Odisha, Chhattisgarh, Haryana, Madhya…
— All India Trinamool Congress (@AITCofficial) July 18, 2025
اس سے قبل ترنمول کانگریس کی جانب سے مغربی بنگال کے بنگالی بولنے والوں کو بی جے پی کے زیر اقتدار مختلف ریاستوں میں ’’ہراساں‘‘ کیے جانے کے الزام کا جواب دیتے ہوئے پی ایم مودی نے درگاپور ریلی میں کہا کہ ’’بی جے پی کے لیے بنگالی شناخت سب سے بڑھ کر ہے۔ لیکن یہاں کیا ہو رہا ہے؟ ترنمول اپنے مفاد کے لیے مغربی بنگال کی ثقافت کو خطرے میں ڈال رہی ہے۔ وہ دراندازی کرنے والوں کی حمایت کر رہی ہے۔ اس کے نتیجے میں ملک کو نقصان ہو رہا ہے، بنگال کو نقصان ہو رہا ہے۔‘‘
ٹی ایم سی لیڈر کنال گھوش نے پی ایم مودی کی تقریر کو کہا ’’گمراہ کن‘‘
دریں اثنا ترنمول کانگریس لیڈر اور پارٹی کے ترجمان کنال گھوش نے پی ایم مودی کی تقریر کو ’’سچائی کو مسخ کرنے والی، جھوٹ کے اطلاق، حقائق سے کھلواڑ اور لوگوں کو گمراہ کرنے کی کوشش کرنے والی‘‘ قرار دیا۔ ’ایکس‘ پر ایک پوسٹ میں انھوں نے لکھا کہ ’’مرکزی حکومت کے دور میں بے روزگاری بڑھ رہی ہے۔
انھوں نے مزید لکھا کہ ’’بدعنوانی، خواتین کے خلاف تشدد اور بی جے پی کی حکومت والی ریاستوں میں غلط حکمرانی اور مرکزی حکومت کے امتیازی سلوک کے باوجود بنگال ممتا بنرجی کی قیادت میں ترقی کر رہا ہے۔ یہ خود مرکزی حکومت کی رپورٹ اور نیتی آیوگ کی رپورٹ سے واضح ہے۔‘‘ گھوش نے یہ بھی دعویٰ کیا کہ بی جے پی 2026 میں ہونے والے بنگال اسمبلی انتخابات میں 40 سیٹوں تک بھی نہیں پہنچ پائے گی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
