پیر کو بی جے پی کی جانب سے جموں و کشمیر اسمبلی انتخابات کے لیے امیدواروں کے ناموں کے اعلان کے بعد ڈرامائی انداز میں فہرست واپس لے لی گئی اور پھر چند گھنٹوں کے بعد پہلے مرحلے کے امیدواروں کے ناموں کا اعلان کیا گیا ہے۔ اس کے ساتھ ہی پہلے مرحلے کے امیدواروں کے ناموں کے اعلان کے بعد جموں و کشمیر بی جے پی کی اندرونی اختلافات بھی کھل کر سامنے آ گئی ہے۔
ناراض کارکنوں نے ریاستی صدر رویندر رینا کے دفتر کے باہر احتجاج کیا اور ان کے دفتر کو مکمل طور پر گھیر لیا۔ حالات اس قدر خراب ہوگئے کہ پارٹی کے ریاستی صدر کو خود کو اپنے کیبن تک محدود رکھنا پڑا اور باہر سیکورٹی اہلکاروں کو تعینات کرنا پڑا۔
#WATCH | Jammu: J&K BJP President Ravinder Raina says, “All the party workers of BJP who have gathered here I respect them. Every party worker of BJPO is important to us. I will meet each and everyone, I am meeting the senior leaders of the party and having a conversation with… pic.twitter.com/oKvvEqsCtd
— ANI (@ANI) August 26, 2024
رویندر رینا کے دفتر کے باہر احتجاج کرنے آئے ناراض کارکن پوچھا کہ کیا بی جے پی کے لیے کوئی محنتی کارکن نہیں ہے۔ کس کے بھروسے پر کشتواڑ سیٹ چھوڑی، سیٹ ہارنے پر ذمہ دار کون ہوگا؟
میں ہر کارکن سے بات کروں گا: رویندر رینا
کارکنوں کے مظاہرے کے بعد میڈیا سے گفتگو کرتے ہوئے انہوں نے مشتعل کارکنوں سے اپیل کرتے ہوئے کہا کہ دیکھئے میری آپ سب سے درخواست ہے کہ ہم سب مل کر بات کریں گے۔ ہم بی جے پی کے کارکن ہیں، ایسی کوئی پریشانی نہیں ہونی چاہیے۔ میں آپ سب کا احترام کرتا ہوں۔ میں ایک ایک کرکے آپ سب سے ملوں گا اور بات کروں گا۔ میں آپ کی بات سنوں گا، ہم سب ایک خاندان کے فرد ہیں۔ ہم سب قوم کی تعمیر کے جذبے سے کام کرتے ہیں۔ میں ذاتی طور پر سب سے بات کروں گا۔
بھارت ایکسپریس۔
