نئی دہلی:آل انڈیا مسلم مجلس مشاورت غزہ میں الاہلی اسپتال پر اسرائیلی فوج کے حملے کی شدید مذمت کرتی ہے جس کے نتیجے میں خواتین اور بچوں سمیت سینکڑوں بے گناہ فلسطینی شہری شہید ہو گئے۔ہم بین الاقوامی برادری سے اپیل کرتے ہیں کہ وہ تشدد کو روکنے اور معصوم لوگوں کی جانوں کے تحفظ کے لیے بغیر کسی تاخیر کے آگے آئے اور ٹھوس قدم اٹھائے۔
مجلس مشاورت نے اپنے پریس ریلیز میں کہا کہ اسپتالوں، اسکولوں اور رہائشی عمارتوں پر 14 دن کی فضائی بمباری انسانیت کے خلاف اور جرم ہے۔ غزہ کی شہری آبادی کو پانی، خوراک، ایندھن اور بجلی کی فراہمی روکنا بین الاقوامی انسانی قانون اور جنیوا کنونشن کی صریح خلاف ورزی ہے۔
آل انڈیا مسلم مجلس مشاورت شمالی غزہ کے فلسطینیوں کو اپنے گھر بار چھوڑنے اور پورے علاقے کو خالی کرنے کے لیے اسرائیل کی اشتعال انگیز کال کو بھی نامنظور کرتی ہے۔ یہ فلسطینیوں کو زبردستی بے گھر کرنے اور پناہ گزینوں کا ایک اور بحران پیدا کرنے کی ایک مایوس کن اسرائیلی کوشش ہے جس کو عالمی برادری اور انسانی حقوق کی تنظیموں کو روکنا چاہیے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
