بھارت اور نیپال کے درمیان سیکورٹی امور پر دو طرفہ مشاورتی گروپ (India-Nepal Bilateral Consultative Group on Security Issues – INBCGSI) کا سولہواں اجلاس 23 اور 24 جون 2025 کو پونے، بھارت میں منعقد ہوا۔ بھارتی وفد کی قیادت جناب منو مہاور، ایڈیشنل سیکریٹری (نارتھ)، وزارت خارجہ، حکومت ہند نے کی، جبکہ نیپالی وفد کی قیادت جناب گہندر راجبھنڈاری، جوائنٹ سکریٹری (جنوبی ایشیا)، وزارت خارجہ، حکومت نیپال نے کی۔ دونوں ممالک کے وفود میں خارجہ و دفاعی وزارات کے افسران کے ساتھ ساتھ بھارتی اور نیپالی افواج کے نمائندے بھی شامل تھے۔
The 16th Meeting of the India-Nepal Bilateral Consultative Group on Security Issues (INBCGSI) was held in Pune on 23-24 June 2025.
Both sides agreed to further strengthen defence and security cooperation in areas of equipment supply, training, capacity building and military… pic.twitter.com/pCN8BGXA4N
— Randhir Jaiswal (@MEAIndia) June 24, 2025
سکیورٹی اور دفاعی تعاون کے مختلف امور پر تفصیلی اور تعمیری گفتگو
اجلاس کے دوران دونوں جانب سے سیکورٹی اور دفاعی تعاون کے مختلف امور پر تفصیلی اور تعمیری گفتگو ہوئی، جن میں فوجی ساز و سامان کی فراہمی، تربیتی پروگرامز، مشترکہ فوجی مشقیں، قدرتی آفات میں امدادی کارروائیاں، اور افواج کے درمیان تبادلے جیسے اہم موضوعات شامل تھے۔ اس کے علاوہ دونوں وفود نے پونے میں موجود اہم سرکاری و نجی دفاعی صنعتوں کا دورہ بھی کیا تاکہ باہمی مفاد پر مبنی تعاون کے نئے امکانات تلاش کیے جا سکیں۔ قابلِ ذکر ہے کہ بھارت-نیپال دو طرفہ مشاورتی گروپ برائے سیکورٹی امور کا قیام 2003 میں عمل میں آیا تھا، جو کہ دونوں ممالک کے درمیان دفاعی اور سیکورٹی تعاون کو مربوط بنانے والا ایک جامع ادارہ جاتی میکانزم ہے۔ یہ اجلاس دونوں ہمسایہ ممالک کے درمیان دیرینہ دفاعی تعلقات کو مزید مستحکم بنانے کی جانب ایک مثبت قدم قرار دیا جا رہا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
