2025 کے بہار اسمبلی انتخابات کے لیے ووٹنگ کے اختتام کے بعد ابتدائی سروے نے ریاست کے سیاسی منظر نامے میں ہلچل مچا دی ہے۔ ووٹ وائب سروے کے مطابق مقابلہ انتہائی قریب ہونے کی امید ہے۔ وزیر اعلیٰ نتیش کمار اور آر جے ڈی لیڈر تیجسوی یادو کے درمیان اقتدار کی دوڑ کافی دلچسپ بنی ہوئی ہے ۔ پرشانت کشور کی جن سوراج پارٹی نے بھی اپنااثر ڈالا ہے، جس سے مقابلہ اور بھی دلچسپ ہو گیا ہے۔
ووٹ وائب ایگزٹ پول 2025 کے تازہ ترین اعداد و شمار کے مطابق تیجسوی یادو وزیر اعلیٰ کے عہدے کے لیے سب سے زیادہ پسندیدہ امیدوار ہیں۔ قابل ذکر بات یہ ہے کہ ان کا مقابلہ کافی سخت ہے۔ سروے کے مطابق تیجسوی یادو کو تقریباً 35 فیصد رائے دہندوں کی حمایت حاصل ہے، جب کہ نتیش کمار کو تقریباً 33 فیصد کی حمایت حاصل ہے۔ جن سوراج کے لیڈر پرشانت کشور تقریباً 9 فیصد ووٹروں کے ساتھ پسندیدہ امیدوار بنے ہوئے ہیں۔ اس سے صاف ظاہر ہوتا ہے کہ بہار کے لوگ اب بھی نتیش کمار اور تیجسوی کے درمیان بٹے ہوئے ہیں اور حتمی نتیجہ کسی بھی طرف نکل سکتا ہے۔
خواتین نے این ڈی اے کو ایک بار پھرقیادت کا دلایا یقین
اس بار خواتین ووٹروں نے ایک بار پھر نتیش کمار پر اعتماد ظاہر کیا ہے۔ جیویکا یوجنا کے تحت فراہم کی گئی مالی امداد نے خواتین میں این ڈی اے کی گرفت کو مضبوط کیا ہے۔ خیال کیا جاتا ہے کہ دیہی علاقوں میں خواتین نے بڑی تعداد میں این ڈی اے کو ووٹ دیا، جس سے اتحاد کو ایک اضافی فائدہ ہوا۔ یہ وہی عنصر ہے، جس نے این ڈی اے کو 2020 کے انتخابات میں بھی برتری دلائی تھی۔
نوجوان عظیم اتحاد کی طرف جھکاؤ
نوجوان رائے دہندگان اس بار عظیم اتحاد کی طرف قدرے مائل دکھائی دیتے ہیں۔ تیجسوی یادو نے انتخابی مہم کے دوران روزگار، سرکاری ملازمتوں اور نقل مکانی جیسے مسائل پر توجہ مرکوز کی۔ یہی وجہ ہے کہ نوجوانوں کی بڑی تعداد نے تبدیلی کے نام پر ووٹ دیا۔ نوجوانوں میں عظیم اتحاد کی مقبولیت پٹنہ، دربھنگہ، مظفر پور اور گیا جیسے شہری علاقوں میں واضح طور پر دیکھی جا سکتی ہے۔
این ڈی اے کو معمولی برتری حاصل ہے، لیکن نتیجہ غیر یقینی
مجموعی ووٹ فیصد کے لحاظ سے این ڈی اے کو چھوٹے فرق سے آگے رہنے کا اندازہ ہے۔ سروے کے مطابق این ڈی اے کو تقریباً 45 فیصد ووٹ حاصل کرنے کا اندازہ ہے، جب کہ عظیم اتحادکو تقریباً 42 فیصد ووٹ ملنے کا امکان ہے۔ جن سوراج پارٹی کو تقریباً 5 فیصد ووٹ حاصل کرنے کا امکان ہے۔ یہ چھوٹا سا فرق نتیجہ کو مکمل طور پر بدل سکتا ہے۔ سیاسی تجزیہ کاروں کا ماننا ہے کہ اگر یہ سلسلہ جاری رہا تو نتیش کمار کی واپسی ممکن ہے، لیکن حتمی فیصلہ گنتی کے دن ہی واضح ہوگا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
