Supreme Court: سپریم کورٹ نے مبینہ عصمت دری کیس میں ایک سابق فوجی افسر کے خلاف دائر چارج شیٹ منگل کو خارج کر دی۔ عدالت نے کہا کہ یہ ’یہ قانونی عمل کا غلط استعمال ہے‘۔ راکیش والیا، سابق فوجی کپتان، نے چارج شیٹ کے خلاف اپنی درخواست کو خارج کرنے کے دہلی ہائی کورٹ کے حکم کو چیلنج کیا تھا۔ اس پر عدالت عظمیٰ نے کہا کہ ہائی کورٹ نے چارج شیٹ کو خارج نہ کرنے کا فیصلہ دے کر غلطی کی ہے۔
جسٹس سدھانشو دھولیا اور جسٹس کے ونود چندرن کی سپریم کورٹ بنچ نے اس معاملے میں ریٹائرڈ کیپٹن راکیش والیا کو راحت دی ہے۔ دوسری جانب درخواست گزار کی جانب سے ایڈوکیٹ اشونی کمار دوبے نے دلیل دی کہ شکایت کنندہ کی گواہی سے پتہ چلتا ہے کہ کوئی جرم نہیں ہوا ہے اور ایف آئی آر کو منسوخ کیا جانا چاہیے۔ ان کے مؤکل کے خلاف جھوٹا اور بدنیتی پر مبنی مقدمہ چلایا گیا۔
کیا ہے سارا معاملہ؟
اشونی کمار دوبے نے کہا کہ یہ خاتون ’بھتہ خوری‘ گینگ چلاتی تھی۔ انہوں نے کہا کہ خاتون کی شکایت کی بنیاد پر گزشتہ 8 سالوں میں 63 سالہ درخواست گزار سمیت 9 مختلف لوگوں کے خلاف مختلف تھانوں میں ایف آئی آر درج کی گئیں۔ ہائی کورٹ نے گزشتہ سال 31 جولائی کو اپنے حکم میں کہا تھا کہ یہ معاملہ ماتحت عدالت کے سامنے ہے، جو درخواست گزار کے دلائل پر غور کرے گی اور مناسب فیصلہ دے گی۔
شکایت کنندہ نے 2019 اور 2020 کے درمیان CoVID-19 لاک ڈاؤن کے دوران سابق فوجی افسر سے رابطہ کیا تھا، اس نے دعویٰ کیا تھا کہ وہ سوشل میڈیا کے ’Influencer‘ ہے۔ یہ رابطہ ان کی کتاب ’Broken Crayons Can Still Color‘ کی تشہیر کے سلسلے میں تھا۔ درخواست کے مطابق، درخواست گزار شکایت کنندہ کی پیشکش میں دلچسپی رکھتا تھا اور اس نے لاک ڈاؤن ختم ہونے کے فوراً بعد جون 2021 میں اس کی خدمات حاصل کرنے کا فیصلہ کیا۔
یہ بھی پڑھیں- Amanatullah Khan: امانت اللہ خان کو عدالت سے بڑی راحت، جامعہ نگر پولیس ٹیم پر حملہ کرنے کے معاملے میں ضمانت ملی
خاتون نے لگایا تھا جنسی زیادتی کا الزام
درخواست میں کہا گیا ہے کہ 29 دسمبر 2021 کو درخواست گزار شکایت کنندہ سے ملنے پر راضی ہوا اور وہ چھتر پور میٹرو اسٹیشن پر ملے، جس کے بعد وہ نوئیڈا کے لیے روانہ ہوگئے۔ تاہم، درخواست گزار نے دعویٰ کیا کہ خاتون کو نوئیڈا میں چھوڑنے کے بعد، اسے شام 6 بجے کے قریب مقامی پولیس سے کال موصول ہوئی۔ اس میں کہا گیا ہے کہ خاتون نے الزام لگایا کہ تقریباً 4.15 بجے انہوں نے اسے نشہ آور چیز پلائی اور اس کے ساتھ جنسی زیادتی کی۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
