اُتراکھنڈ کے ضلع اُدھم سنگھ نگر کے ایک نجی اسکول میں پیش آنے والے ہولناک واقعے نے تعلیمی حلقوں کو جھنجھوڑ کر رکھ دیا ہے، جہاں ایک طالب علم نے مبینہ طور پر اپنے استاد کو محض اس لیے گولی مار دی کہ اس نے کچھ دن قبل اسے تھپڑ مار دیا تھا۔ پولیس کے مطابق، گگن دیپ سنگھ کوہلی کو، جو گرو نانک اسکول میں فزکس کے استاد ہیں، بدھ کے روز ایک طالب علم نے اس وقت گولی مار دی جب وہ کلاس روم سے باہر جا رہے تھے۔
بتایا جا رہا ہے کہ واقعے سے کچھ دن قبل استاد نے اس طالب علم کو تھپڑ مارا تھا۔ پولیس کے مطابق سمرتھ باجوا نامی طالب علم پستول کو اپنے لنچ باکس میں چھپا کر اسکول لایا تھا۔ یہ واقعہ مڈ مارننگ بریک کے بعد اس وقت پیش آیا جب استاد کلاس چھوڑ کر جا رہے تھے۔ عینی شاہدین نے بتایا کہ طالب علم نے لنچ باکس سے پستول نکالی اور اچانک گولی چلا دی۔
استاد زخمی، لیکن خطرے سے باہر
گولی استاد کی پیٹھ سے ہوتی ہوئی گردن میں پیوست ہو گئی۔ گگن دیپ سنگھ کو فوری طور پر ایک نجی اسپتال منتقل کیا گیا جہاں ان کی ایمرجنسی سرجری کی گئی۔ اسپتال کے ڈاکٹر مینک اگروال کے مطابق گولی کامیابی سے نکال لی گئی ہے اور مریض کی حالت اب مستحکم ہے۔ انھیں مزید نگرانی کے لیے آئی سی یو میں منتقل کر دیا گیا ہے۔
طالب علم گرفتار، کیس درج
واقعے کے فوراً بعد دیگر اساتذہ نے ملزم طالب علم کو پکڑ کر پولیس کے حوالے کر دیا۔ پولیس نے نابالغ طالب علم کے خلاف تعزیراتِ ہند کی دفعہ 109 کے تحت مقدمہ درج کر لیا ہے۔ پولیس اس بات کی بھی تفتیش کر رہی ہے کہ نابالغ طالب علم کو پستول کہاں سے ملی اور وہ اسے اسکول تک لانے میں کیسے کامیاب ہوا۔ اسلحہ پولیس نے ضبط کر لیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
