بہار میں اس سال اسمبلی انتخابات ہونے جا رہے ہیں۔ وزیر خزانہ نرملا سیتا رمن نے مالی سال 2025-26 کے بجٹ میں بہار کا خاص خیال رکھا ہے۔ نرملا سیتا رمن نے اپنی بجٹ تقریر میں بہار میں مکھانہ بورڈ کے قیام کا اعلان کیا ہے۔ اس کے علاوہ بھی بہار کے لیے کچھ اور بڑے اعلانات کیے گئے ہیں۔جس کے پیچھے خاص وجہ بہار میں ہونے والے اسمبلی انتخابات کو مانی جارہی ہے ۔ حالانکہ یہ بہار اور ملک دونوں کے حق میں سود مند ثابت ہونے والے ہیں ۔
سیتا رمن نے کہا کہ پیداوار، پروسیسنگ، ویلیو ایڈیشن اور مارکیٹنگ کو بہتر بنانے کے لیے مکھانہ بورڈ کے قیام کا اعلان کیا گیا ہے۔ بورڈ پی ایف او کو منظم کرے گا اور مکھانہ کی کاشت کرنے والے کسانوں کو ٹریننگ فراہم کرے گا۔ اس کے ساتھ ہی کسانوں کو متعلقہ سرکاری اسکیموں کا فائدہ بھی یقینی بنایا جائے گا۔وزیر خزانہ سیتا رمن نے کہا کہ بہار میں فوڈ پروسیسنگ کو فروغ دینے کے لیے نیشنل انسٹی ٹیوٹ آف فوڈ ٹیکنالوجی انٹرپرینیورشپ اینڈ مینجمنٹ قائم کیا جائے گا۔
مرکزی وزیر خزانہ نے بہار پر مزید مہربانی کرتے ہوئے آئی آئی ٹی پٹنہ کے ہاسٹل کو توسیع کرنے کا بھی اعلان کیا ہے۔انہوں نے بہار میں مزید تین نئے ایئرپورٹ کی تعمیر کا بھی اعلان کیا گیا ہے۔بہار میں نئے فیلڈ ایئرپورٹ کھولنے کا اعلان کیا گیا ہے۔پہاڑی علاقوں میں چھوٹے ہیلی پیڈ اور ایئرپورٹ کھولے جائیں گے۔گرین فیلڈ ایئرپورٹ کے بارے میں مرکزی وزیر نے کہا کہ یہ پٹنہ ہوائی اڈے کی صلاحیت میں توسیع کے علاوہ ہوگا۔ متھیلا کے علاقے میں ویسٹرن کاسٹ کینال پروجیکٹ بھی اس میں شامل ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
