انڈین یونین مسلم لیگ کی افطار پارٹی میں سونیا گاندھی، اکھلیش یادو اور جیا بچن کے علاوہ سرکردہ سیاسی لیڈران نے شرکت کی۔
Indian Union Muslim League Iftar Party in Delhi: انڈین یونین مسلم لیگ (آئی یوایم ایل) کی طرف سے دہلی میں جمعرات (20 مارچ، 2025) کو افطارپارٹی کا انعقاد کیا گیا۔ اس میں کانگریس کے قومی صدر ملیکا ارجن کھڑگے، کانگریس پارلیمانی امورکی صدرسونیا گاندھی، سماجوادی پارٹی کے سابق صدر اکھلیش یادو، سماجوادی پارٹی کی رکن پارلیمنٹ جیا بچن شامل ہوئیں۔ اس کے علاوہ کانگریس لیڈر ششی تھرور، شمع محمد، راجیہ سبھا ایم پی سدھا مورتی، عام آدمی پارٹی کے لیڈر سنجے سنگھ نے بھی انڈین یونین مسلم لیگ کی افطار پارٹی میں شرکت کی۔
سرکردہ شخصیات نے ماہ رمضان کی مبارک دی
انڈین یونین مسلم لیگ (آئی یوایم ایل) کی طرف سے منعقدہ افطارپارٹی میں شامل ہونے پرسینئرلیڈران نے کہا کہ انڈین یونین مسلم لیگ اور ملک کے تمام لوگوں کوماہ رمضان کی مبارکباد پیش کرتے ہیں۔ سبھی لیڈران نے ملک کی خوشحالی اوربھائی چارہ قائم رکھنے کی اپیل کی۔ عام آدمی پارٹی کے لیڈر سنجے سنگھ نے کہا کہ آج آئی یوایم ایل کی طرف سے اس افطار پارٹی کا انعقاد کیا گیا۔ میں ان کی پارٹی کے لوگوں کواور جتنے بھی لوگ آج یہاں شامل ہوئے ہیں، انہیں رمضان کی مبارکباد پیش کرتا ہوں اور سب سے یہی اپیل کرتا ہوں کہ امن وامان، شانتی اور خوشحالی کے لئے دعا کریں۔
#WATCH | दिल्ली | कांग्रेस संसदीय दल की अध्यक्ष सोनिया गांधी, समाजवादी पार्टी के प्रमुख अखिलेश यादव, समाजवादी पार्टी की सांसद जया बच्चन इंडियन यूनियन मुस्लिम लीग (IUML) द्वारा आयोजित इफ्तार में शामिल हुए। pic.twitter.com/4UDJPvoAAx
— ANI_HindiNews (@AHindinews) March 20, 2025
ششی تھرور نے آئی یو ایم ایل سے متعلق کہی یہ بڑی بات
کانگریس رکن پارلیمنٹ ششی تھرور نے انڈین یونین مسلم لیگ کی طرف سے منعقدہ افطار پارٹی میں شامل ہونے کے بعد کہا کہ آئی یوایم ایل ہماری اتحادی ہے اور پارلیمنٹ کے دونوں ایوانوں میں ان کی بہت مضبوط موجودگی ہے۔ ان کے سینئرلیڈران کیرلا سے آئے ہیں۔ ہم اس پروگرام میں شرکت کرنے کے لئے یہاں آکربہت خوش ہیں اور آئی یوایم ایل کو رمضان کی مبارکباد پیش کرتے ہیں۔ سبھی کو رمضان مبارک ہو۔ کانگریس لیڈر شمع محمد نے کہا کہ رمضان ایک مقدس مہینہ ہے۔ آئی یو ایم ایل نے ایک شاندار افطارکا انعقاد کیا ہے، جس میں سبھی پارٹیوں کے لوگ شامل ہوئے ہیں۔ افطار امن وامان اور محبت کی علامت ہے۔ افطار میں شامل ہونے پر راجیہ سبھا رکن پارلیمنٹ سدھا مورتی نے کہا کہ میں سبھی کو پُرامن اورخوشحال رمضان کی مبارکباد دیتی ہوں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
