سینئر لیڈر شرد یادو نے 75 سال کی عمر میں دنیا کو کہا الوداع
Sharad Yadav Passes Away: سینئر سماجوادی لیڈر، جنتا دل یونائیٹیڈ (جے ڈی یو) کے سابق صدراور راشٹریہ جنتا دل (آرجے ڈی) کے موجودہ سینئرلیڈرشرد یادو کا 75 سال کی عمر میں جمعرات (12 جنوری) کو انتقال ہوگیا۔ ان کی بیٹی سبھاشنی شرد یادو نے ٹوئٹ کرکے اس کی جانکاری دی ہے۔ انہوں نے لکھا، ‘پاپا نہیں رہے’۔ شرد یادو چار بار بہار کے مدھے پورا سیٹ سے رکن پارلیمنٹ رہے ہیں۔ وہ جنتا دل یونائیٹیڈ (جے ڈی یو) کے صدر کے ساتھ مرکز میں وزیر بھی رہ چکے ہیں۔ سابق مرکزی وزیر کی طبیعت بگڑتی جا رہی تھی اور انہیں گروگرام کے فورٹیس اسپتال میں داخل کرایا گیا تھا۔
فورٹیزمیموریل ریسرچ انسٹی ٹیوٹ نے بیان جاری کرکے کہا کہ شرد یادو کو فورٹس کی ایمرجنسی میں بے ہوشی کی حالت میں لایا گیا تھا۔ جانچ کرنے پر ان کی کوئی پلس یا ریکارڈیبل بلڈ پریشر نہیں تھا۔ اے سی ایل ایس پروٹوکول کے تحٹ ان کا سی پی آر کیا گیا۔ انتہائی کوششوں کے باوجود انہیں بچایا نہیں جاسکا اور رات 10 بج کر 19 منٹ پر انہیں مردہ ڈکلیئرکردیا گیا۔ ہم ان کے اہل خانہ کے تئیں گہری تعزیت پیش کرنا چاہتے ہیں۔
पापा नहीं रहे 😭
— Subhashini Sharad Yadav (@Subhashini_12b) January 12, 2023
سماجوادی رہنما شرد یادو کے انتقال پر وزیراعظم نریندر مودی، لوک سبھا اسپیکراوم برلا، کانگریس کے سابق صدر راہل گاندھی، کانگریس کے قومی صدر ملیکا ارجن کھڑگے، آرجے ڈی سربراہ لالو پرساد یادو، بہارکے وزیر اعلیٰ نتیش کمار، نائب وزیراعلیٰ تیجسوی یادو، اترپردیش کے سابق وزیر اعلیٰ اکھلیش یادو سمیت کئی سرکردہ لیڈران نے تعزیت پیش کی ہے۔
وزیراعظم مودی کا اظہار افسوس
وزیراعظم نریندر مودی نے ان کے انتقال پر افسوس کا اظہار کرتے ہوئے ٹوئٹ کیا، “جناب شرد یادو جی کے انتقال سے غمزدہ ہوں۔ اپنی طویل عوامی زندگی میں، انہوں نے خود کو ایک رکن پارلیمنٹ اور وزیرکے طورپر پیش کیا۔ وہ ڈاکٹر لوہیا کے نظریات کے بہت قریب تھے۔ میں ہمیشہ ہماری گفتگو کو سنبھال کر رکھوں گا۔ ان کے اہل خانہ اور مداحوں سے تعزیت، شانتی”۔
Pained by the passing away of Shri Sharad Yadav Ji. In his long years in public life, he distinguished himself as MP and Minister. He was greatly inspired by Dr. Lohia’s ideals. I will always cherish our interactions. Condolences to his family and admirers. Om Shanti.
— Narendra Modi (@narendramodi) January 12, 2023
شرد یادو کئی بار رہے رکن پارلیمنٹ
شرد یادو نے 1999 اور 2004 کے درمیان اٹل بہاری واجپئی حکومت میں مختلف محکموں کو سنبھالا تھا۔ 2003 میں شرد یادو جنتا دل یونائیٹیڈ کے صدر بنے تھے۔ وہ 7 بار لوک سبھا اور تین بار راجیہ سبھا رکن پارلیمنٹ رہے ہیں۔
